المشاركة الأصلية كتبت بواسطة ترككيي

إيه مثل ما قلت لكم أهم شي موافقة رئيس القسم هو مربط الفرس هنا. يمكن يتغير ويجي واحد غيره ، بس غالباً أعتقد ماحد مستعد يتخلى عن خدمات عضو هيئة تدريس عنده إلا إن كان واحد أمه داعية له.



طبعاً صح. أساساً المدة الي بيجلس فيها المعيد ف جامعته مدة قصيرة إما سنة أو سنة ونص بالكثير وهو طالع بعثة سواء داخلية أو خارجية. الشي الثاني أغلب الشواغر في الجامعات الأخرى تكون من ماجستير وفوق نادراً صراحة ما أقرأ شاغر معيد.



كل نظام عبارة عن حبر على ورق. بس هذا تعهد الواحد يوقع عليه قبل لا يخلي طرفه ويسافر يعني مو شي مكتوب في النظام وماندري عنه.



بالعكس ، الجامعة هي الي تصرف عليك طيلة مدة ابتعاثك من ميزانيتها. بدليل إن كل المعاملات المالية من صرف وإيقاف ومكافآت وزيادة ونقصان تتم من خلال الجامعة نفسها بدون الرجوع لا للخدمة المدنية ولا للتعليم العالي. أنا أخوي مبتعث من جامعة الملك عبدالعزيز وزي كذه.


وبعدين يا جماعة غيركم يتمنى وظيفة براتب. أحسن من غيرنا بكثير والله منعم علينا بوظيفة رائعة لها مستقبلها وتعليمها ومكانتها ولو كان على حساب غربتنا وبعدنا عن أهالينا سواء ف القنفذة أو الليث أو الجموم أو أوروبا أو أمريكا أو الي يكون. الحياة كذه غربة ومشقة وتعب والواحد لازم يشق له طريق فيها ويثبت نفسه وبعدين بكرة مثلاً بتمسكوا وزارة أو وكالة أو هيئة أو مركز أبحاث وذي كلها تطلب نقل بتقولوا لأ !! .