اقتباس: المشاركة الأصلية كتبت بواسطة Math Math السلام عليكم مبرووك للمرة المليون للبارون وكل الدفعة اللي تعينت والله يتمم على خير لنا ولكم لو سمحت عندنا مطابقة بالخدمة - الدفعة الثانية - وش الأوراق الي يطلبونها غير الوثيقة مرحبا أخ مآث اقتباس: المشاركة الأصلية كتبت بواسطة البآرون السلام عليكم اولاً الشهر عليكم مبارك والله يجعلني واياكم من صوامه وقوامه المهم رحت اليوم على موعدي في فرع وزارة الخدمة المدنية في الرياض عشان مطابقة البيانات المهم اول مادخلت خذيت رقم وانتظرت الين يفتحون صالة الاستقبال .. اول مافتحوها في موظفين على اليمين ياخذون الرقم اللي معك ويدبسونه على نموذج فاضي لازم تعبيه .. مثل وش مؤهلك ووش تخصصك واسمك ورقم هويتك ومعدلك وهل انت موظف حكومي أو لا بعدها تجلس تعبي نموذجك وتنتظر رقمك المهم اذا وصل اسمك تروح للموظف وتعطيه : أصل الوثيقه + صورة منها .. وأصل الهوية + صورة منها مع النموذج اللي عبيته بعد ماتعطيه ويطابقها يقول لك خلاص روح .. سألته قلت فيه ورقة تعطوني اياها تفيد بأني طابقت وزي كذا قال لا مافيه كنت خايف انه يقول لي انت تعمل بقطاع خاص ومسجل بالتأمينات وكاتب انك لاتعمل بجدارة بس الحمدلله مشرفهم اللي عليهم قال لكل الموجودين : ماعلينا من القطاع الخاص اهم شي القطاع الحكومي سألت مشرفهم اللي عليهم عن نتائج المفاضلة واماكن التعيين قال احتمال الاسبوع الجاي ان شاء الله الله يكتب اللي فيه الخير لي ولكم موفقين بالتوفيق
