هذي ولا الحلم سولفها على ارقادك
وشلون تـبـغـي تـسويـها وانا واعـي

لا يكون شي فـي بالك صاير مرادك ؟!
أخـاف قاعد تـفـكر تــلـوي ذراعـي ..!!

جـرحـت قـلـب الـغـرام وزدت فـعنادك
تـبغي الصراحه تـرى ماكان له داعي

مـن أربع شهـور كثر الصد وش فادك ؟!
مـاغير حرضت طول الليل لإخضاعي ..

طـيرت الأشـواق من مرفـاك وبلادك
ذبـلت رسـايلك ماجانـي بها ساعـي

يـازين تـتوقـع من اللي حـصل زادك ؟!
بـالعكس مازادك إلا زاد فـأوجاعـــي ..!

اللـي مـحـيـرنـي انـك فالزعل عادك
للشـك والهـرجة الـواشين تنصاعي

لو دمـعـتـك سولفـت لك بوجـه حسادك
كـان الـرعـيه تـقـيـم قـيـمـة الـراعي ..!

مـن أربـع شـهـور و أنت مطول عنـادك ..!!
.. اسمع .. ترى صدق ما للي حصل داعي ..