اقتباس:
المشاركة الأصلية كتبت بواسطة بدون عمل متسبب
طيب ياوجودي كارثة هل كنتم دفعة أو دفعتين لنهم قبلونا وفالاخير قالوا انتم احتياط احتمال دورتكم بعد شهرين يعني على شهر واحد
|
لا والله ماكان فيه احتياط العام
بالنسبه للأحتياط هالسنه . دامهم قالوا دورتهم بشهر 1 .. اشوف انه من صالحهم
مع ان بداية اول اسبوع راح تشوفون ناس تطلع من المركز ( لعدم تحملها )
او انه ماتعب وهو يراجع ( كل مافي الامور واسطه ) ويوم بدا الدوره ماكان متصور انها كذا
ويطلع .
ويمكن النقص اللي راح يجي . يطلبون الاحتياط
بس اذا دورتهم اكيده بشهر 1 .. اشوف انها من صالحهم بكثير
من اهمها مراح ياخذ مثل ما اخذنا 10 شهور .. وان قبل رمضان يكون خالص الدوره ان شاء الله
ويصادف ان الجو براد
بالنسبه للي سئل ( عن تحضيره اول يوم )
يلبس البدله الرياضيه اللي عليها شعار الاسم .
اول يوم ( قياس طول ووزن . اي كلام )
ويرتبون الى فصايل .. وشوي شوي تعودون على الوضع .
اذكر اول يوم دخلنا فيه العام ( كانت رطوبه بشكل ماتتصورونه ) النفس مقطوع
لكن صدقوني هذي كلها مرحله وكل العساكر راح تعبرها .
وفيه نظام حلو بدورة الدفاع المدني ( ما ادري عن الدورات الثانيه )
وهو تأجيل الدوره . لا سمح الله صار شي بالشخص ( كسر _ ظرف طارئ )
مايفصلونه ( يلحقونه بالدوره الجايه اللي بعد سنه )
ويداوم بمكان تعيينه ( وراتب 5900 )
طبعآ راح ينتظر مكان تعينه حتى يتم تأجيل الدوره . والتعيينات راح تجيكم بعد الـ 45 .. على اخر الـ 45
تجيكم اوراق رغبات ( التعيين ) . وطبعآ حنا اخذنا 40 يوم :$
او حتى يقدر ( ياخذ دورة التاهيل العسكري ) والتأهيل الفني يأجلها
لكن يفضل ان الواحد ( مره وحده ) يخلص ويرتاح :$
ومابين التأهيل العسكري .. والفني ( اجازه 10 ايام )
واحسبوا حساب الاجازه اللي راح تجيكم بعد الـ 45 ..
قبل العام اخذوا .. 38 يوم .. ودورتنا 32 يوم .. انتم الله اعلم 
توكلوا على الله ومن باب النصيحه ( اللي دورته بالشرقيه )
ان خلصتوا من التأهيل العسكري ( انقلوا لأي دوره ثانيه ) الرياض او القصيم او الطايف .
اولأ : لكسر روتين راح يكون ممل .. ثانيآ التعب النفسي
والثالث والاهم : ان كل سنه الشرقيه تحب تخلي التخرج عندها ( وهذا ما يخلي التخرج يتأخر )
وفترة الاسابيع الاخيره .. الدورات الثانيه ( القصيم _ حايل _ الطايف )
كانوا يطلعون الاربعاء .. ويرجعون الاثنين .. وغير ان حايل كانوا على اخر اسابيع . يداومون رسمي ويطلعون الظهر .
بعكس الشرقيه اللي كنا ( بروفات وتعب ) .
نظرتي لبعيد لجل راحتك بحكم اني مريت بهالشي .
الاهم ( خلصوا الـ 45 على خير ) والله يوفقكم ان شاء الله .
