وعليكم السلام ورحمة الله وبركاته


الله يعطيك العافيه يااخوي

وترا لي تجربة العام الماضي مع بنك التسليف..

يعني كل عام زي هالوقت تقريبا يطرحون وظايف..

وفيه وظايف مكرر طرحة ماادري مالقوا احد مناسب او مادري وش سالفتهم..

على العموم الان فترة التقديم كخطوة أولى بعد كذا انتظار الى بعد عيد الأضحى .
وبعد كذا الخطوة الثانية يسوون مقابلات شخصية لأهل الرياض عن طريق معهد الموجز للتعليم والتدريب.. والي مطلوب للوظيفه انجليزي يكون فيه اختبار في معهد الموجز ومقابلة بعد الاختبار.

الخطوة الثالثة: بعد شهر الى شهرين من مقابلة الموجز يكون فيه مرشحين من معهد الموجز لكل وظيفة عدد من الأشخاص ويسوون مقابلة ثانية في إدارة بنك التسليف مع لجنة من 5 أشخاص.

الخطوة الرابعة: بعد أسبوع من مقابلة اللجنة يكلمونك عشان تقابل المدير او تجيك رساله أنك غير مرشح. وهذي الخطوة الأخيرة تقريبا. اذا رشحت لمقابلة المدير فأنت بنسبة 90% ضمنت الوظيفة. بعد كذا يبقى فقط الترشيح النهائي والفحص الطبي وباقي الإجراءات.

بعطيكم تجربتي السنة الماضية.
التقديم: شوال
المقابلة الأولى: ذو القعدة
المقابلة الثانية: ربيع الأول
مقابلة المدير: ربيع الأول
النتائج: ربيع الثاني

مع كامل تمنياتي للجميع بالتوفيق ..