السلام عليكم و رحمة الله و بركاته
اطرح السؤال على الجميع .. !!
لطالما قرآت نفس الافكار التقليدية اللي تعيد تكرار نفسها
لماذا جميع المشاريع استهلاكيه بدرجة قوية واغلبها تقليدي .. ؟؟!!
المشاريع ( كفتريا - مغسلة - محل تغليف هدايا - ورشة - محل انترنت او كمبيوتر - ترفيه - صالون .. الخ )
معقولة كل السعوديين و السعوديات ما يقدرون ينتجون افكار مختلفة ونلغي شيء من الاستيردات المتواصله ؟؟؟؟؟؟؟
ليش نحن بلد مستهلك ... و بليد في الانتاج ؟؟؟
ليش الاسلوب الكلاسيكي و التقليدي في البحث عن الافكار ؟؟؟؟؟
كم شخص يشتري دمى والعاب للاطفال ؟؟
تعرفون ان اكبر ملياردير في امريكا .. في حقبة التسعينات كان رجل لا يملك سوى متجر دمى .. وركزوا على كلمة دمى .. وليس العاب
يعني مادتها اسفنج - قطن - قماش - ومجموعة خيوط .. وتصميم ل اشكال الدمى
تعرفون لو قررتوا فتح معمل لانتاجها و راح يكلفكم 30 الف ريال او اقل ايضا
=====================
معلايش دولتي اكبر دولة في انتاج الحديد .. وملاين الناس تشتري شفرات الحلاقة .. عندنا
بلاش تصنعون شفرات .. يمكن كبيرة الشغلة و معقدة .. بس اصنعوا الامواس الصغيرة .. معملها ما يكلف شي و اكتفوا عن الالتفات للهند في الاستيراد
===================
الشموع .. مافي مكان ما يبيع الشموع .. ومادة انتاجها من اسهل الانتاجات
ليش ما تنتجون .. معامل لتصنيع الشمع ؟؟؟؟؟؟
==================
انتاج الصابون .. ليش هنا مافي معمل مميز يصنع الصابون وينافس كل المستورد و بشكل مختلف ...؟؟؟؟
=================
الامشاط .. وفرش الشعر ... الشغلة ما تكلف شي لانتاج معمل لانتاج الامشاط ..و الفرش .. ورغم كذا ما نشوفها ... عندنا
===================
وغيره و غيره من المشاريع ... والاسلوب لازال تقليدي .. ومافيه تطوير ..
تعرفون لو انكم مسكتوا قائمة الاشياء اللي تستوردها الدولة .. و لاتنظرون لرآس القائمة .. ابغاكم تقرؤون ذيل القائمة فقط .. وقررتوا تنتجون في بلدكم ..
على 10 سنين جايين راح نضطر نلغي اكثر من نصف القائمة المستوردة .. عارفين ليه ..؟؟؟؟؟
لان اضمن لكم ان في اشخاص .. راح يقلدون بعضهم البعض في انتاج نفس المشاريع مثل ما يحصل الان .. من تقليد المشاريع الحالية
وراح يزيد التنافس و الطلب .. و ناس ثانية .. راح تطلع لانتاج خامات ثانية .. حتى تتميز في السوق عن البقية
بس بلاشي نكون .. شعب مكرر في الانتاج للافكار و كل شي عنده ... مقلد و مافيه ابتكار
اتمنى تناقشوني بكل صراحة في جوانب هذا الموضوع ؟؟
لماذا لا تقدمون على البحث عن مشاريع انتاجية ؟؟؟