السلام عليكم و رحمة الله

والله يا أخواني إن هذي القصة حقيقية و صايرة لوحده من اعرفها

الحكاية ان البنت ابوها طلّق أمها ورماها و اخوانها و اخواتها على هذي البنت

تخيلوا الايجار 22 الف مع الغلا و الكهربا و التلفون و الاكل و الشرب و الملبس

و العلاج و كل شي ، و ظل على هالحال7 سنوات يرفض يزوجها ليمن البنت وصل

سنها 35 سنة اضافة انو يشوه سمعة بنته و يتهمها بكل انواع التهم علشان لدرجة

إنه قال انها مريضة نفسيا و تعاني من أورام براسها و انها تضربه مع العلم إنه

ساكن في بيت لحاله و تاركهم لحالهم كلهم بنات مع امهم و اخوهم لسه بالمتوسطه

و كل هذا عشان محد يجي يخطبها و تتزوج و يصير هو اللي يصرف ع البيت

و يشهد الله إن هذي البنت ملتزمة و جميلة و جامعية و مثقفه

من العمل للبيت و من البيت للعمل .. المهم أني سمعت إن البنت من تقريبا اسبوع قدمت

استقالتها من الوظيفة اللي راتبها 6000 ريال و كل هذا عشان تتحرر من ابوها

اللي دمر حياتها و شبابها و هلك اعصابها و هي الآن جالسه بالبيت ولا تبي تكلم ولا

تشوف أحد و ايجار البيت قرب و الاب حالف يمين ما يدفعه .. و البنت هذي و أمها واخوها

و اخواتها بيصيرون بالشارع و هي تقول اعيش بالشارع ولا افقد عقلي

حسبي الله على الاباء اللي بالشكل هذا .. والله الظلم ظلمات يوم القيامه من حق البنت

تعيش و تتزوج و تنجب اطفال و حسب ما علمت إن الاب انسان مسرف على نفسه

بالمعاصي و العياذ بالله .. شوفوا كيف الفساد و عدم الخوف من الله

ارجو منكم المشاركة بالرأي و خاصة ان هذه القضية مازالت قائمة ..