اقتباس:
المشاركة الأصلية كتبت بواسطة إقتصاادية
ما أدري أحس الظلم صار بكل مكان وتفشى بشكل واضح
يمكن إحنا بآخر الزمان ( يسرقون المواطن علناً) بدون حسيب أو رقيب
ياترى إحنا خطأ وهم صح وألا هم ما يخافون من الله فينا
|
والله ماعاد ندري بس اوقات اقعد اقول ... طيب بالله هما عندهم وظايف ومخبينها يعني عننا
ليه ؟؟ يكرهوننا مثلا حاقدين علينا ؟؟؟ ولابييناا وبينهم شي !!!!
هما يطلعون الوظايف الشاغره الموجوده .....وعشان نكون منصفين مرات تكون كثيره ... ومرات قليله
العام اتوقع او قبل العام كانت مراااا كبيره واتعينو عليها بنات كثييير ... وكان لازم يبقى ناس مالهم وظايف لان البنات ععددهم جدااا كبير تعرفون مالنا الا التدريس مافي مجالات ككثيره زي الاولاد
انا عندي اخوات معلمات ... 4 سنوات وتعينت وحده ووحده يمكن 6 سنوات ... وجاهم رزقهم في الوقت نفسه في بنات لهم 20 سنه وماتعينو .... طيب هل هم يككرهونها تحديدا ؟؟؟ ويحبون اخواتي مثلا عشان كيذا عينوهم ...!!!!
انا الان 8 سنوات ماجاني شي ... يمكن تخصصنا احتياجه اقل وخريجاته اكثر ... الله اعلم ..
هيا تدخل فيها عوامل كثيره .... بس انا ضد اتهام المسؤولين انهم هما مايبغون يعينونا ....
الان الي نطلبه فقط .... نظام ثابت نفهمه ونقعد نحسب لنفسنا على اساسه ....
يعني هل هما فعلا ياخذون بالنقاط الاعلى ؟؟؟؟ ولا كيف حسبتهم ؟؟؟
اما بالنسبه لموضوع الخريجات القديمات اللي انا وحده منهم وحطو تحتها مليون خط
كنت دخلت قبل في تجمع القديمات وكتبت رأيي بكل عدل ووضوح وبمثاليه زايده الظاهر ...
وللاسف هذا الوقت كلن نفسي نفسي ....
لانهم هم كاتبين احنا القديمات اولى ونبغا نتعين مهما كانت نقاطنا .....
انا كان رأيي انه ...( بما انه نظام النقاط الان هوا الحكم ... فاانا اشوفه عادل ... لانه يصفي الناس الاولى والأجدر بالتدريس ...
يعني وحده ماتعرف الف من باء نقاطها واطيه ونسبتها واطيه ومتخرجه بالدف هذي اولى انها تكون معلمه تربي اجيالنا او وحده نقاطها عاليه بقياس وبالكليه وبكل شي )
طبعا انا هنا اقصد الكل سواء خريجه جديده او قديمه .... والي اعنيه انه الاولى هيا الي نقاطها اعلى سواء جديده او قديمه ... بما انه جا نظام النقاط اذن يتطبق على الكل ....
طبعا للاسف فهموها غلط ...(( وقالو احنا القديمات مانعرف الف من باء؟!! .... انتي الي ماتعرفين الف من باء ))
للاسف انصدمت من اسلوبهم وطريقة تفكبيرهم واساسا عدم فهمه لكلامي ...
انا قصدت الي ماتعرف الف من باء سواء قديمه او جديده وبالتالي نسبتها صار واااطيه وقياس واااطيه وكل شي واطي
... وتبغى الان الان تتعين ...!!!! لا انتظري مادام في اولى بوعي ومستوى اعلى ....
طبعا هيا وجهة نظري ....
رغم انا مستواي عادي ونقاطي كويسه بس مو عاااليه ... 79 ....
لكني كنت حياديه ............ ومو الكل يفهم للاسف هذا الشي
كل الي اطلبه اواتمناه العدل ...
ولو الموضوع عندي .... اشوف العدل هوا للي محتاجه وظروفها الماديه صعبه او مسؤوله عن عائله
هيا اولى مننا كللللللللللللللللنا .....
لكن بما انه نظام النقاط اصبح جااري تنفيذه على قولهم اتمنى العدل فيه .....
وعدم التجاوز .... النقاط فقط لا يختارون حسب نوع الكليه ولا على حسب اي شي ثاني ....
هذا ماصار رأي هذي صارت قصة حياه 
طبعا مؤمنه وموقنه انه الرزق من الله وحده لافلان ولا علان
لانقاط ولااقدميه .....
مالها حسبه الا ان الله الرزاق .......
والحمدلله كثيرااا انه الواحد الرازق ...
لو من عند البشر .... موتوكي ضما ولااعطوكي شربه ....
الحمدلله