انا كان اختباري امس الاحد دخلت واخذت رقم وجلست والظاهر صار فيه تأخير عند موظف وجاء مدير المعهد المهندس عبد العزيز بن محمد الصقير وقال ادخل الغرفة وبالغرفة كان فيه اجنبي وشوي ويدخل مدير المعهد ويبي يقابلني وانا اقول بقلبي عز الله توظفنا وسألني 7ضرب9 كم وسألني من وين انت ومن هالاسئلة وسألني اذا جيت عندكم بحايل انا من حايل طبعن وش المعالم الي فيها طبعن بالانجليزي وقال حنا نبي نخبة الشباب السعودي واهم شي عندنا عدم التأخر والغياب ولك اربع ايام غياب من دون عذر وقال لو باقي عليك شهرين وتتخرج وغبت يوم من دون عذر نفصلك وقال نصف المجهود الي راح تبذله بالمعهد تقدر تجيب ممتاز بالجامعة وقال ان الانجليزي مكثف جداً ونبي ناس جادين مو لعب ومن هالكلام المهم ماعمري شفت مثل تواضعه وهو مدير المعهد ومتواضع جداً اما الاجنبي سألني وش اسمك وش السيارة الي تسوقها وكم تبعد حايلعن بريدة المهم اذا احد ناوي يدخل المعهد لازم يعرف انجليزي او يفهم الترجمة على الاقل لنهم متعاقدين مع شركة بريطانية المهم سهالات والي خايف يدخله يستخير اعيد واكرر يستخير والخيره فيما اختاره الله وبس