بنات بما إن الان وقت التقديم على المدارس والمقابلات الشخصية حابة أنوه على شغلة مهمة وتكلمت عنه عضوة هنا أتوقع الأخت ( خبر جيد ) لما قالت لاتعتمدوا على الاتصال بالمدارس أو إرسال السي في عن طريق الايميل لاااااااااااازم تروحوا للمدرسة بنفسكم , عن تجربة يابنات لاحظت في الروضة اللي أنا فيها الأولوية للي يجوا بنفسهم , لان نظرتهم لمظهرك وشخصيتك له دووور كبير في أنهم يقبلوك طبعا ماأقصد أنك تبالغي في الزينة الخارجية لآ , بس لازم تبيني أنك جادة في طلب الوظيفة وتكوني مبتسمة وأخلاقك حلوة لآن في بنات ماشاء الله السي في حقهم مليان إنجازات في نفس الوقت شكلها يوحي أنها مو جادة تجي أوقات مايقبلوها والعكس صحيح للي السي في تبعها نوعا ما مقبول بس حابة تتوظف وحابة تعطي وتنجز ذي لها الأولوية في القبول , لآتنحبطوا يابنات وتقولوا غيري شهادته أفضل مني ماأنقبل روحي أنتي وحاولي يمكن يكون لك نصيب منها, الله يرضى عليكم يابنات ركزوا على ذي النقطة. * في حركة بقولكم عنها يابنات كنت أسويها إذا كنت رايحة أقدم على مدرسة كبيرة لها سمعتها أو شركة طبعا الكل أكيد راح يتوتر أثناء التقديم أو المقابلة , أنا كنت قبل لا أروح للمكان اللي أبغاه بكم ساعة أو بيوم أمرر على كذا مدرسة صغيرة أو روضة وأسال عن الوظايف منها علشان التوتر يروح وعلشان أراجع أخطائي البسيطة في الأسلوب والكلام وأتفاداها في المقابلة الأساسية لآن شخصيتي خجولة نوعا ما وربي يوووفقكم وييسرلكم أموركم يارب