طيب نبي المختصر المفيد لان الصفحات كثيرة ومايمدي اقراها كلها ممكن تقولون لي يا اهل الخبرة انا كا مبتدئه وش يلزمني لابدأ في هذا المجال
اللي فهمته من بعض الردود ومن دورة قد اخذتها ان الاساسيات هي
1-تصاميم
2- طابعة ( بس مدري اي نوع لمحت ابسون بس مدري اي نوع بالضبط )
3- مكبس ( مدري وش النوع الافضل لان ناس كثير اشتروا مكابس وما مشت معاهم فابي اسم معروف ويكرف معي ويكون لكل شي تقريبا )
وملاحظة \ بما اني مبتدئة ولسى مدري كيف بيكون وضعي مع التسويق اللي هو اهم شي بالشغل تنصحوني اتعامل مع مطابع اجيب لهم التصميم وهم يطبعون عليه ومن عندهم التيشرتات وبكم تتوقعون يكون لاني ما ودي اغلي على الناس وبنفس الوقت ما ابخس نفسي ابي استفيد
4- ورق ترانسفير (جربت روكو في الطباعة اليدوية بالمكوايه وماضبطت معي ليش مدري على اني في الدورة شفت البنات يطبعون بس استنتجت ان ورقهم غير انا اذا حطيت الشفاف فوق الرسمه وكويتها طبعت الرسمه في الشفاف وماعاد تنفك وخرب على التيشيرت ) والنوع الثاني طالبته المدربة من امازون ما ينوجد تقول
5- احبار خاصه
6-تيشرتات بالجملة ( دورت عند وحده بدون شحن من مصر قالت ب25 الحبه وانا اخذها من سبلاش ب30-35 بس ابي نوع جيد وبقصات منوعه وسعرها يكون كويس


ادري كثرت كلام بس متحمسه لاني من فترة وانا احوس على ها الاشياء وما وفقني الله الى الان باحد يرد علي ابي ابداء مليت من التردد بداياتي رسم بس الرسم متعب