اقتباس:
المشاركة الأصلية كتبت بواسطة روفي توفي
طيب اروح اش اقولهم؟؟؟!
مين الي ماكانو مداومين اليوم!!!
|
تروحيلهم يعني ترجعي عشان تسوي المقابله بما ان المديره كانت مشغوله
روفي 
اش دراني مين الي داوموا الي وصلني المدرسة قسم الروضه فيه بويه وتصليحات ومافيه دوام
اقتباس:
المشاركة الأصلية كتبت بواسطة روفي توفي
تخيلي يفشلوني ويقولو لو كنا نبغاكي كنا اتصلنا عليكي
|
لاياشيخه ههههههههه طبعا روحي شكله الوضع ماكان مرتب اصلا ايش دراكي الي كلموكي موظفات أصلا أو عارفين المدرسة كويس يمكن من الأقسام الثانيه لأن المدرسة أقسام كثير
بنات الي تروح زهره الصحراء ويقبلوها توقع على طول لاتنتظر ولاتروحوا مكان قبل ماتستخيروا
انتبهوا عند التوقيع
انكم توقعوا عقدين اثنين واحد عقد مدرسة وواحد عقد موارد أو على الأقل يعطوكم خبر متى توقعوا على عقد الموارد ممكن توقعوا على عقد الموارد في يوم ثاني بس اكيد مو بعد ايام كثير اسبوع بالكثير
ثانيا حقوقكم إنتوا مسؤولين عنها حتى أمام الله
لاتتوقعي تجيكي مدرسة أهلية تقولك تعالي نوقع معاكي إذا انت ماشاءالله مبسوطه انك تشتغلي ببلاش
لو جاتك طباخه ببلاش راح تغصبيها تنقل كفالتها عليكي؟ وتعطيها راتب عالي؟ فكروا نفس تفكير المدارس الأهليه وعلى هذا الأساس تعاملوا معهم
ثاني شيء المدارس العالمية كثيييير
مدرسة الجوهره العالمية منسية محد مفتكرها ليش؟
مدرسة ثامر الوظائف فيها أرقى مايكون
مدرسة الحمرا
دار الحنان رااااقيه ودائما الموظفات فيها ينتقلوا لجامعة عفت بحكم إدارتهم وحده
الي تتوظف تجي تكتب يابنات مو عشان ربي رزقك بوظيفه في مكان راقي خلاص
لأ انفعوا أهلكم وأخواتكم انشروا الإيجابية في كل مكان
ونصيحه لكل متقدمة على أي وظيفة
مو تقولي أنا ماعندي خبرة وتبغي الناس يقدروكِ إيش تفرق الخبره بتخليكي مخلصة في العمل أكثر ؟
ليه ماتنظروا للإيجابيات ؟ الموظفات الجديدات الفريش يكونوا متحمسات وطاقتهم ممتازه
وللمعلومية معروف في مدارس كثير أنهم يوظفوا الخريجات لأنهم متحمسات ومتفائلات مو زي الكبار الي عندهم خبره يميلوا لتعليم العاقلين أكثر وطفشانين وينتظروا التعيين ويمكن خبرتهم تخليهم يفضلوا العمل الإداري والإشرافي أكثر عكس الخريجات الي بدون خبره 
تغريده خارج السرب الي تعرف مدرسة انجليزي خبرتها 3 سنوات تخبرها بوظائف في جامعة البترجي 
وتعطيني نص الراتب طبعا 
مع السلامه ياقمرات