بنات كفايه ارجوكم مارح ناخذ الا رزقنا

والله اني تقطع قلبي على نوره العتيبي حرام عليهم هذي انثى كيف يسجنون انثى عشان طالبت بالوظيفه مع اني كنت زعلانه منها لاني مره قلت لها اذا بتطالبين طالبي بمكرمه تشمل القديمات كلهم وابعدو عن سالفه رفع نقاط الاقدميه واذكر ذاك اليوم قالت لي الله يجعلك تحسين بما حسينا قلت لها يابنت الحلال انا ما اعتديت عليكم عشان تدعين علي انا اتمنى لكم الخير واتمنى تجيكم مكرمه زي البديلات لكم كلكم بعيدا عن نقاطنا وجتني دعاوي ذاك اليوم ما انساها من متابعينها الي تقول الله يحرق قلبك والي تقول الله يحرمك الوظيفه والي تقول الله يجعل ماتتهنين بحياتك لانها سوت رتويت لكلامي عشان تبين لهم اني غلطانه الي مدري كيف يبون يصيرون معلمات بالاسلوب هذا من دعواتهم ذي جاني ضحك وقشعريره ومشاعر كثيره هذي وجهة نظري قلتها بكل ادب يعتدون علي بالدعاء سبحان الي خلقهم اجمل شي ان الملائكة تقول لكم بالمثل لكن مع ذلك الله يسامحها ويفرج كربها يعلم الله اني بكيت على الي صار لها واني حزنت عليها مره وعشان كذا اكثر من مره رديت هنا في موضوعنا ابتعدو عن نوايا الناس حرام تدعين وتشتمين وتتهمين وانتي مو متأكده يعني زي الي تقول الجديدات انانيات وحسودات بأي حق تعممين على كل الجديدات ياكم جديده دعمت حملة القديمات وياكم وحده دعت لهم عشان كم وحده صرنا كلنا حسودات على فكره احنا في طريقكم بنصير قديمات من ذا الانظمه الجمييييع مظلوووم القديمات والجديدات التربويات والغير تربويات المجتازات والغير مجتازات فلذلك خلو نواياكم بيضاء ناصعه لايلوثها سوء الظن