عني مقابلتي كانت روعه م توقعتها كدا بس الحمدلله ربي سهلها لي
اول م شافوا التخصص انبسطوا عليه لانو مافيه احد نفس تخصصي وهو الاقرب للوظيفه اللي مقدمه عليه
واسئلتهم لي اتكلمي عن نفسك
مستعده تستقري بالمنطقه لانو انا من جدة
وكيف تعالجي مشكلة البويات
واستقعدوا لي ع سالفة العمر يقولوا انتي لسى طازه وصغيره وكتكوته يمكن البنات م يتقبلوك وم يتجاوبوا معاك ؟
قلت لهم بالعكس صغيره حكون قريبه منهم وراح يثقوا فيني اكثر لانو قريبه من عمرهم عكس لو جات وحده كبيره ف عمرها ممكن تصير حواجز بين الطالبات وبينها ابتسموا وسكتوا عني ووعدوني خير
واكثررر حاجه انبسطوا عليها الهرجه الجداويه كل شوي يعلقوا عليها ويضحكوا نرفزوني بس ابتسمت لهم عشان م يوصلوا لهدفهم انو ينرفزوني
وبس دي مقابلتي ��