حسب رايي ان سيارتك صارت داخلة في المشروع وصارت من الأصول الثابتة للمشروع وكل اصل ثابت ( الأصل كالمعدات - المبنى - العقار - الخ ) بيكون له نسبة اهلاك سنوية وهي تتراوح بين 5-10% ( سنوياً) ..
لكن دام انك تستخدمها جزئياً فيعني انها شبه اصل ثابت للمشروع ... لكن فكرتكم ان لو تعطلت وقت الدوام التصليح يكون مشترك بينكم ولو تعطلت خارج وقلت الدوام يكون التصليح عليك ما اتفق معاك بالمرة والسبب ...
افرض ان بسبب التحميل الزائد ل5 ساعات متواصلة عطلت شي ولا بين العطل معك إلا لما رجعت البيت بعد دقيقتين وطلعت مشوار للمسجد لمدة 5 دقائق .. هل تقدر احين تقول ان العطل بسبب مشوارك ولا بسبب شغل 5 ساعات ؟!!
لذلك لازم تخلون على الأقل من 5-10% احتياطي تصليح وصيانة السيارة ( لو ثبت ان الاعطال ناتجة عن نشاطات المشروع ) يعني لو لا قدر الله صار حادث اثناء الدوام للمشروع تدفعون من هالمبلغ . ولو عطل جزء من السيارة تدفعون منه .. وكذا ..
ونصيحتي لك وانا مجرب ياخوي هالنوع من الشراكات ... اكتب بينك وبينه عقد موثق عند محامي .. اي محامي ممكن يوثق لك عقد وهو يعرف في هالامور ويعطيك العلوم الأكيدة .