----

تيسرت اموري بشكل لم اكن اتخيله يوما ما, لك الحمد يارب


كل ماراح اذكره الان والله ماهو خيال
انا حبيت تستفيدون معاي
والله يرزق كل عاطل وظيفة ويصب عليه الرزق صبا,, انه على كل شي قدير

انا خريجة من فترة
بمعدل 4.50 من كلية نظم المعلومات
مثل كل خريجة تبحث وظيفة واصبت بصدمات والخ

قلت خليني ابحث من كل الجهات ومن ضمنها اعمل خير
من ضمن اعمال الخير ,
كل ماطلع للمول مع صديقات او اهل ,, اروح لدورات المياه في المولات واشتري معاي شي للعاملات
عصيرات , ساندوتشات , ايس كريم , او احيانا مبلغ بسيط بقدر طاقتي ,,
وعهالحال,
اي شي فيه خير سوه وانساه,,,

في شهر واحد
فتحت لي ابواب خير مالله عالم به
والحمدالله توظفت في قطاع خاص
وصرت اقتصد من راتبي واخذ دورات
وعقدت العزم كل سنة ع الاقل اخذ 11 دورة احترافية امتداد لوظيفتي ,,
الحمدالله عمري صغير املك خبرات وشهادات عالمية,,
واالان اعمل على بزنس خاص فيني
وترقيت في عملي من اول سنة !!
اللهم لك الحمد


حبيت افيدكم
لاتتحلطمون كل واحد فيه اللي كافيه مافي داعي ردود التحلطم و السلبية
وكلنا تسكرت بوجيهنا ابواب
وواسطات والخ
كلنا عارفين وحاسين وذايقين
والله اني نطردت من اماكن كنت مستحقة لها,, و صابرين ونتلاقى في تجمعات وظايف ثانية والحياة تستمر,,,

بس باب الله مفتوح

اقتصد من راتبك وخذ دورات
ترى اول سنتين في حياتك بالوظيفة ماهي سنوات توفير مال او تجمع لعمرك الجاي
هي سنوات الاصح فيها انك تبني فيها نفسك
لانك اذا بنيت نفسك فيها راح تترقى في وظيفتك ويزيد راتبك وعليها تقدر توفر,


شكـــــــــــــــــــــــــــــــــرا منتدى حلول البطالة
عشق انتم
الله يجزاكم خير



الله يرزقكم جميعا
وفقكم الله
استودعكم الرحمن


------


اليوزر مشترك
وسلامتكم