مكان عمل كيف تسوي مشاكل مع الموظفات؟
حتى لو موظفة او طالبة تكلمت عليها ماتعرف تتصرف بطريقة أفضل أو تتجاهل ؟ بدون ماتعمل مشاكل؟
حتى لو واجهت عوائق ومواقف صعبه وسوء تعامل من زميلاتها المفروض تتحكم بتصرفاتها وردات فعلها هي معلمة وموظفة وفي مكان عمل له احترامه ونظامه

وكيف توقع على ورقة بدون ماتعرف وش فيها؟

وعلى طول حكمتوا انه بيفصلونها .. ترى ذا فيه سوء ظن ناتج من تفسيركم للأمور أو من إقراركم بالخطأ
مافي احسن من ان الواحد يعترف بخطأه خصوصا انها معلمة كفوء وعاقلة مثل ماوضحتي
لو غلطت مافيها شي تعتذر من المديرة والمعلمة الاخرى
ولو فيه سوء فهم يتفاهمون ويصلحون الامور ولاتظلمونهم حاقدات عليها ويبونها تطلع بدون الفلوس وين انتم فيه.

وقرار الاستقالة قرار خاطئ وتظلم نفسها فيه إلا اذا هي فعلا عارفه انها غلطت وماتقدر تصلح الخطأ ولاعندها القدرة على تحمل صعوبات العمل يعني عارفه نفسها انها ماتقدر تلتزم بضوابط العمل وتتجاوز المشاكل والاختلافات الشخصية مع زميلاتها

اتوقع الورقة انذار أو تعهد ويمكن المديرة خلتهم كلهم يوقعون عليه مو بس هي

نصيحه خليها تراجع نفسها وتعتذر لو هي غلطت وتحل سوء الفهم
وخليها تتجاوز وتتجاهل التفاهات مو تسوي مشكلة كبيرة على أي شي
وخليها تكسب زميلاتها وتتعاون معاهم وتبعد عن العداءات الشخصية وتبعد عن سوء الظن ولاتفسر الامور على كيفها
هي بمكان عمل ومكان العمل له احترامه ونظامه وقوانينه طالما هي فيه يعني تلتزم بالنظام هذا . لاتتصرف كأنها في بيتهم
ويقولك المثل امشي عدل يحتار عدوك فيك
طالما هي قايمة بعملها وواجبتها وفعلا مأدية دورها كمعلمة وقدوة وموظفة محد يقدر يقول عنها شي

أما تصرف المعلمة الاولى لما اشتكت للمديره مافيه غلط
الغلط من تصرف بنت خالتك للأسف
وانتي لاتحرضينها عليهم وتكبرين الموضوع
بينها وبين نفسها تراجع وتعتذر وتتعلم تتجاهل وشغلها لاتتنازل عنه طالما هي خبرة ولها سنين فيه