لا تضيق صدوركم يا بنات ,
اولا هذا نصيب ورزق من ربي ماجانا الا اننا قادرين على تحمل كل مصاعبه
ربي مايظلم احد
يمكن نكون محتاجين هالغربه عشان نتقرب من ربي او عشان نتغير للافضل
ناظروا للموضوع بنظرة ايجابية

انا تعينت في مدرسة مابها كهربا ولا شبكة جوال
مقرفة وحر وبهذله
ومع ذلك كنا كل يوم لاطلعنا نضحك طول الطريق على انفسنا وعلى القصص اللي تصير

صحيح اني مانقلت للحين بس الحمدلله بعد تجربة سنة
احس اني صرت اقوى وصرت متفائلة اكثر
معتمدة على نفسي وما احتاج احد

ترا كل شي يهون اكيد اول الوضع بتفقدون اهلكم وبتضيع الرواتب على التذاكر
بس بعدها لا تعودتوا وعرفتوا الناس اللي حواليكم بتتعودون
الشتا جاي ومواقف المطر والبرد تضحك

اهم شي لازموا هالادعيه في كل صلاة
1- اللهم اني اسألك الرضا بما كتبت لي واعوذ بك من السخط
2- اللهم اني احتسب هذه الوظيفه لوجهك الكريم فأعني عليها وعلى صعوباتها واجعل لي في كل خطوة اجر
3- اللهم يسر أموري كلها ولا تصعّب علي حاجه

وتصدقوا دااائماً لو بعلبة موية

الله يكتب لي ولكم النقل
ولي رجعة ان شاء الله اسولف لكم عن الاحداث اللي صارت