صدق ما قلتوا ..بنات السعوديه كلهم فيهم الجمال الرباني... بس شبابنا ولله الحمد دلوخ
يقولون ما فيه احلى من اللبنانيات"" "" انتوا شوفها اول ما تقوم من النوم واحكموا بعدين..
وبخصوص جامعة الملك سعود للبنات "" والله العظيم انهم كلهم مزيونات وعندهم نظافه على مستوى الجامعات الاخرى وعندهم حس الأناقه حتى يحبون كل شيء جديد ..
(( خلاص قررت اشتغل خطابه الحين مين يشتغل معي)) تهي تهي تهي

بس فيه عيب في جامعتنا والعميدة ساكته على هذا العيب او بالأصح مطنشه""
اقولكم هذا العيب؟؟؟
طبعا يوم من الايام كنت رايحه احضر محاضرة وصديقاتي سبقوني على المحاضرة
((بالله هذولا صديقات ))..نرجع لمحور الحديث .. ودخلت المحاضرة وما فيه كراسي ابد ابد غير واحد بالكورنر (( الزاويه)) وانا كنت نص نايمه يعني العيون مقفله لانها محاضرة الساعه ثمانيه المهم اختكم ضاربه مدحدرة للكرسي.. وجلست وكانت جنبي وحده قصدي (( كان جنبي واحد)) انا ارتعت وفتحت العيون وقلت يابنت عسى ما تكونين رايحه جامعه الأولاد الي بالدرعيه...
طبعا قلت في نفسي اكيد انهم تاثروا من الاجانب وقالوا ليش ما نجمع الجنسين مع بعض ونرتاح (( قلت في نفسي اعوذ بالله)).. واختكم ضاربه شوي وتلبس النقاب والعبايه

طبعا كنت اناظر فيها وانا مفهيه ""قالتلي هاي فيه شيء (( بصوت خشن))
قلت انا "" لا بس العين بحر..
قلت لها وراء ياختي راسمه كعبي على فيسكــ (( مسويه الاخت سوالف ماادري صح على كلمه سوالف))
المهم قامت تضحكــ بصوت مرتفع..(( لااله الآالله كنه صوت اخوي ...))
قلت لهاممكن سؤال؟؟ قالت تفضلي يالحبيبه
قلتلها؟؟ من لعب عليك وقالك انك حلوة الحين..
قالت الجميع يشهدلي بذلكــ قلت انا "" لاوالله السذابات والمجاملات هي اللي قلبت شكلك من بنت لطيفه اللي ولد متوحش..
قلتلها اش تستفيدين من هذا اللوك.. قالت الكل يضرب لي مية حساب ..قلتلها الا يبيلك ميه يضربونك بالنعال الحين...
قلتلها اخر سؤال وخلاص.. قالت وش تبين .طبعا قفلت اخلاقها مني ..المهم
اهلك راضين على هذا المنظر ..(( قالت .. ايوة وعادي ))
قلتلها برضو سؤال اخير .. اذا رحتي للزواجات ايش تسوين .. قالت اركب ((باروكه))
قلت .ليش.
قالت .. ايش راح يقولون الناس علي..
قلتلها سبحان الله انتي تعرفين انه خطاء وتسوينه ورضيتي الناس ولاارضيتي الله ..
المهم الدكتورة خزرتني بعين حاااااااااااااارة ..( لأني متاخرة واقرر بعد)) وصرت انا وهي نكتب على الورق..
قالت .. والله العظيم حبيتكــ قلت لها .. حبتكــ القرادة (( لاتحبيني ولا احبكــ))
المهم طول المحاضرة واحنا نقرق ليييييين ضربت الدكتورة يدها على الطاوله ..
وقالت افلانه(( انا طبعا)) اطلعي برى .. عاد اختكم طلعت وهي تبتسم هههههههههه
وما حسيت الا وهي طالعه البنت معي .. قلتلها ليش..
قالت .. انا بعد كنت اتكلم معاكــ (( والله ان البنات فيهم خير بس الشيطان يزلهم))
وصارت البوي هذي صديقتي وطبعا كانت دافورة حيييييييييل ربي يبتلي عبادة..
المهم صديقاتي كملوا الباقي ونصحوها وصارت الحين لااله الاالله روعه ومزيونه حيل
وكل البنات يحبون يجلسون معاها...(( اعرف اني المفروض اطلع لي كتاب من كثر ذي القرقرة بس حبيت اعلمكم كيف حال البنات الحين وصار هذا الامر بكثرة وحتي يتباهون فيما بينهم..وصارت البنت تقص شعرها على رقم اربعه يعني لو صفر ارحم.....
وحتى لبسهم والله لبس عيال ))
نصيحه لكل بنت تتشبه بالرجال ((يابنات حواء"" ربي اراد لكم هذا الحال فلماذا التغير من حال الى حال.. كفايه معاصي وتكبر على الخالق.. فعودي الي نفسكــ واستشعري عظمه الخالق))
طبعا هذا الكلام مو شامل على جامعه الملك سعود حتي بنات في كليات اخرى ومناطق اخرى يفعلون هكذا.. وانا اقول ليس كل البنات انما القله......وارجوا من الله العظيم ان يهديهم اجمعين...
ويابربيكان بالتفاح يسلمك ربي على هذا الطرح الجيد"

المفروض يعطونكـــ الوسام الذهبي على مواضيعكـــ
واسفه على الاطاله بس حبيت اوصلكم حال البنات وطريقه التفكير واتمنى من الجميع ان ينصحون الفتاة التي تتشبه بالاولاد ..وشكرآآ للجميع