المشاركة الأصلية كتبت بواسطة مجموعه إنسان

وعليكم السلام ورحمة الله وبركاته ,,

والله يوفقك أختي بمشروعك وخطواتك الجديده .. وبالنسبة للورلد شيب على ما اظن فيه كود له يخلي التسجيل مجاناً ومن دون أي رسوم .

بس دامك سجلتي خلاص .. والفلوس إذا هم سوو لها إسترجاع تتأخر شوي من 3 أيام وطالع وعلى فكرة ما تجيك رسالة إنه تم إضافه رصيد .. روحي شيكي على تفاصيل البطاقة الإئتمانية وشوفي كم الرصيد .

ويفضل إنك تستخدمين فيزا الراجحي ( تسوق ) مسبقة الدفع تحولين فيها على قد ما تحتاجين .

وبالنسبة لكتابة العنوان بأمازون .. أول ما تدخلين الوورلد شيب تحصلين بيانات عنوانك فوق تكتبينها بهالطريقة

[BIMG]http://imgur.com/Pg8a7gz.jpg[/BIMG]

واذا كتبيه كذا .. ما اتوقع إن اللي طلعت لك رسالة خطأ .. هم بالعادة يسوون تصحيح تلقائي اذا ما فيه اختلاف وافقي على اقتراحهم عااادي .


وبالنسبة للباي بال .. عادي اي ايميل واول ما تسجلين يسحبون دولار تقريبا .. ثم يطلبون منك كود التفعيل .. هالكود تدخلين على اخر عمليات الفيزا وتحصلينه آخر آربع او 3 ويرجعونه لك بعدين .

وبالنسبة للمواقع .. بما إني وسيط إلكتروني وهاذي شغلتي

أغلب التاجرات يطلبن من علي اكسبرس لرخص اسعاره وشحنه مجاني .. اهم شي شوفي التاجر اللي تقييمه حلو والدفع عن طريق الباي بال اضمن لك

وعندك فور ايفر فيه بلايز رخيصه وخامتها حلووه وامازون كذلك .

واي استفسارات انا حاضر .

وعلى فكرة فيه قسم التجارة الالكترونيه بمنتدى بوابة الانترنت .. ادخلي على المواضيع المهمة والمميزة وبتحصلين كل شي هناك بالتفصيل .. وشوفي تجارب الاعضاء

وعلى فكرة بعد الشحن من علي اكسبرس مباشر ما يحتاج وورلد شيب .. يفضل إذا عندك صندوق بريد خير وبركه .

وبالتوفيق