يعطيك الف عافية وربي ينور لك دربك اخوي خالد ...
ملاحظة صغيرة لاحظتها في اكثر من مشاركة سواء بموضوعك او مواضيع سابقة .. تجد من يجي طاري برمجة ويب على طول بال البعض يروح للمنتديات فاول تعليق هو : راح زمان المنتديات واللحين جا زمن التويتر والانستغرام والفيسبوك .. !!!
شباب الله يهديكم فكروا شوي .. ما دخل ام هالبرامج في برمجة وتطوير الويب او برمجة التطبيقات باللغات البرمجية المعروفة ... ؟!!!
بعطيكم امثلة سريعة ... (ويمكن تكون افكار لمشاريع تبدعوا فيها)
1- شركة تقدم خدمة تتبع السيارات لأصحاب شركات السيارات والمواصلات والنقل والشحن فتركب مثلا جهاز تعقب بكل سيارة او بكل شاحنة فيقوم صاحب السيارات وخوفا على حلاله بمراقبة سير العمل من خلال انظمة GPS ...
النظام يحتاج لبرمجة باحد اللغات ويتم عمل تطبيق يثبت على سيرفر .. وتحتاج لصفحات ويب وانت كزائر تقدر تتابع سياراتك بواسطة هالموقع بعد الدخول عليه من اي مكان حتى لو من جوالك او من مكتبك او منزلك .
تشوف الطرق اللي سلكتها سياراته وسرعة السيارات واماكن الوقوف .. الخ واترك لكم التفكير .. في العائد المادي لبرمجة هذا التطبيق .. وكم عدد الذين سيطلبون تنفيذ هذا التطبيق على سياراتهم سواء كانت مكاتب تاجير سيارات سواء كانت شركات نقل او شركات شحن او شركات بناء ونقل بضائع .... الخ .
2- وزارة او مؤسسة حكومية تحتاج لتطبيق برنامج على الانترنت مثلا لنقل تسجيل اسماء العاطلين وحصرهم وتقديم استمارات التسجيل اونلاين .. يتم القبول حسب موافقة الشروط ثم يتم ارسال رسائل نصية للمقبولين .. تدعوهم للدخول للموقع مثلا لأمر ما .. بهذه الطريقة ممكن موظف واحد فقط يعمل على هذا المشروع ليتمه بنجاح وكفاءة في حين لو تم فتح باب التسجيل بالشكل التقليدي ستكون هناك ازمة وتخيل عدد العاطلين مثلا وتخيل اي مبنى سيكفيهم واي مواقف وكم موظف سنحتاج وكم عدد الأوراق والمستندات الورقية التي تستوجب حفظها وكم عدد مدخلين البيانات اللذي سنحتاجهم لذلك ؟!!!!
وكم ستكون نسبة الخطأ ؟!!!
هذا التظام يحتاج لتطبيق ويب ولسيرفر ولقواعد بيانات ولمركز رسائل نصية مربوط بالتطبيق ووووو الخ ..