بسم الله الرحمن الرحيم
أختي الكريمة
الإخوة والأخوات ماقصروا اعطوك كم مشروع حلو وأنا أشوف رآس مالك ممتاز وتقدرين تبدئين أي مشروع .
أنا أعرف واحد من الشباب الله يوفقه يستأجر أراضي بمبلغ من 50 - 70 ألف لمدة عشرين سنة ويبني فيها إما إستراحات شبابية للإيجار السنوي أو يبني فيها محلات وغرف عزاب خلف المحلات والرجال ماشاء الله محصل خير لكن المهم إن عقد الإيجار يكون طويل عشان تستفيدين من المبنى اللي بنيتيه سواء استراحة أو محلات وتكوني مرتاحة من جشع مالك الأرض لو حب يلف ويدور.
الموضوع سهل جدآ ولكن يحتاج عزم وصبر وإذا كنتي ماتقدرين تروحين وتجين وقت البناء هناك الكثير من مؤسسات وأفراد يستلمون الإشراف على البناء بمبلغ مادي وترتاحين من غش المقاولين والعمال.
الرجال اللي أتكلم عنه إستأجر أرض مساحتها 2000 متر وسوا فيها 8 استراحات اربعه بالواجهة إيجار الوحده 22000 سنويآ وأربع بالخلف إيجار الوحده 16000 = 152000 وإيجار الأرض كاملة هو 70000 .
وإستأجر أرض مساحتها 900 متر وبنى فيها خمس محلات واللي خلف المحلات غرف عزاب يقول إستأجرت الأرض بمبلغ 40000 بينما إيجار المحلات فقط بمبلغ 60000 هذا من غير الغرف لكن الرجل يكتب عقد إيجار بينه وبين صاحب الأرض عقد 20 سنه ملزم حتى لو باع الرجل الأرض يبقى عقده ساري وبعد عشرين سنة يقول مبروك عليك الأرض باللي فيها.
أتمنى أكون أفدتك والإخوان ماراح يقصرون