اقتباس:
المشاركة الأصلية كتبت بواسطة محمد الحربيِ
ما شاء الله صبّحكم الله بالخير
متـــــــــــــــــــــــــابع وبقوة
ياخالد يا غالي اكتب لنا ملخص عن مجالات امكانيات الربح المادي منها مثل ما ذكر اخونا دلني ع السوق وتوسع اكثر بالكلام عن البرمجه لأني دائما اسمع عنها مثلا لما يقولوا الجافا لغة العصر فأشوف انها انجليزي وصعبة وما اقدر اخارج نفسي معاها !! وبس
ربي يوفقك ويكتب لك الخير في امورك كلها عاجلها واجلها ما علمته منها وما لم تعلمه وجميع الاخوة يارب
|
محمد وبقية الشباب .. الكلام اللي باقوله لكم هنا والله مايقوله لكم أي مبرمج لأني سأحدثكم بقلب محب لأبناء ديرتي ونفسي أشوفهم يدخلون هذا المجال .. وجربوا تسألون أي شخص يعمل في هذا العمل وستجدون عبارات التعقيد والفلسلفة وزي اللي يقولك لاتبالشني في رزقي 
ماعليكم كله كلام فارغ ولن أجد مثالا حيا أستشهد به سوى تجربتي التي سأصدقكم فيها دون أسرار .. أنا اختصاصي أصلا (معلم لغة عربية) 
البرمجة دخلتها هواية فقط ولست حتى متفرغا لها بحكم عملي الحكومي
راتبي من التدريس ماعمري اعتمدت عليه ولا احتجت له بفضل الله تعالى.. يشهد الله متى ما احتجت مبلغ شغلت كمبيوتري يومين ثلاثة ودخلت المبلغ اللي أبغاه وزيادة .. هواية البرمجة كانت أبرك من الراتب والقروض اللي راحت خساير أسهم .. بالعكس البرمجة عزوة كل مابغيت صيفية أو سيارة أو مشروع جانبي أو كاش شغلت جهازي فقط .. أدخل آخر الأسبوع وأحصل عشرات الرسائل من شركات الاستضافة أو من عملاء عندهم مشاكل ويبغون حلول تاخذ على المشكلة بالميت ( 1000 ريال ) والحل 90% ماياخذ منك ربع ساعة .. بس أحيان نقول للعملاء انتظروا للغد عشان مايتحسف وهو يدفع .
مشاريع خاصة ( برامج - مشاريع تخرج ) مثلا تاخذ عليها من 8000 - 15000 ريال وماتاخذ منك 4 أيام عمل طبعا هذا بعد ماتصل مراحل متقدمة وتصير فاهم كيف تضع أدواتك وأكوادك الخاصة اللي تسهل عليك القيام بأي برنامج بشكل سريع.
تعاقدات ودورات برمجة خاصة تسويها بمبلغ يوصل 3000 ريال لمدة أسبوعين مكثفة .. معاهد تبحث عنك لتعطيك 30% من الدورة الخاصة بتطوير الويب .. شركات لها وزنها تبحث عنك وأنا بنفسي سمعت ناس كثير يقولون شركات الاتصالات والبنوك حاطين صفحات توظيف ماحد يرد عليها .. جربت وراسلتهم باختصاصي كمبرمج مواقع ماكملت يومين إلا شركة STC وبنك سامبا داقين علي .. يالربع تبون تحفيز وكشف أوراق أكثر من كذا ؟؟ اقدموا واعزموا بلا تردد فالمستقبل والأمان الوظيفي والمالي قدامكم ......وبس 