اقتباس:
المشاركة الأصلية كتبت بواسطة بو شااادن
ماشاء الله اخ خالد بصراحه انا كنت اتابع موضوعك كزائر وتحمست وسجلت عشان ابي اتعلم منكم ايش تنصحني كبدايه وانا استخدم نظام ماكنتوش هل يساعدني او اغير جهازي لمايكروسوف والله يكتب اك الاجر ان شاء الله
|
لا أبدا يابو شادن مايحتاج تغير جهازك .. إذا نظامك آبل فهناك برنامج اسمه xmap يعمل لك سيرفر محلي لبدء التعلم عليه
وهو مقابل لبرنامج AppServ على الويندوز
اقتباس:
المشاركة الأصلية كتبت بواسطة مهندس مليونير
اتفق معك اخي الكريم في كل ماذكرت ...
حقيقة كنت ابحث عن مبرمج يسوي لو عدة مواقع وكانت التسعيرة للمواقع تقريباً 3500 ريال والبرنامج جاهز مسوينه مرة وقاعديني يبيعو فيه فقط يعدلو على التصميم ...
كتجربة شخصية حاليا سويت 3 مواقع الكترونية بدون ماتعلمت سطر برمجة ... كلها شغالة على ووردبريس البرنامج جاهز وبس تدور على مصمم يزبطها لك وماياخذ مبلغ زي ماياخذ اللي يبرمج من الصفر ...
بالنسبة لي استخدمت برنامج الووردبريس + تصاميم جاهزة من النت احترافية جدا ... وزبطتها بشوية تعديلات غير برمجية لفكرة موقعي ...
كل موقع لو جبت مبرمج راح يكلف تقريبا من 2000 ريال الى 10000 ريال ...
وانا كلفني كل موقع : شعار + برنامج + تصميم + تعديلات برمجية + استضافة = 250 - 500 ريال فقط
بكل بساطة تقدرو تسوو نفس الشي مع العملاء ...
|
صدقت .. وترى إضافات الووردبرس لها سوق وفيها رزق لكثرة استخدام هالبرنامج بالمواقع .. يعني لو قدرك الله وتعلمت البرمجة
وأصبحت تبرمج الإضافات الخاصة بك بتعين خير
اقتباس:
المشاركة الأصلية كتبت بواسطة غَرّكْ وِفَايْ
انا موظف حاليا بوظيفه حكوميه مبرمج
ولدي خبره والمام شبه كامل ببرمجة الويب html jsp asp php js css
لكن مشكلة البرمجة انك ممكن تكرف شهر في مشروع وفي النهايه ب ٣٠٠٠ ريال
لا وفيه سكريبتات جاهزه تغني عن البرمجه للطبات المتكرره مثل المدونات وفوق هذا لابد تكون مصمم جيد ذوقا وتقنيا مثل الفوتوشوب
الحقل اللي مازال مطلوب بعالم الويب اللي هي المشاريع ذات الافكار الخاصه وكذلك مشاريع تطلبها الشركات لامور اداريه
هذا من وجهة نظري
اتمنى التوفيق للجميع |
العزيز ( غرك وفاي ) .. لاتزعل مني لكن أظن كلامك نتيجة استسلامك للوظيفة الحكومية وراتبها مناسب لك .. وبهذا ماعندك
الدافع للكسب الحر وتطوير الذات .. وسأرد على كلامك بالتفصيل عشان تتوضح لك الأمور :
1- ليس صحيحا أن البرمجة كرف شهر وآخرتها 3000 شوف حبيبي .. عندما تبرمج أي سكربت خاص وتبيعه فأنت لك حقوق برمجية على المنتج تبعك
وهو توقيع وتوثيق خاص بك موجود في أسفل الموقع ( الموقع باستخدام البرنامج الفلاني ) شوف مثلا منتدى بطالة لو نزلت تحت بتلاقي اسم الشركة
اللي برمجت المنتدى
Powered by vBulletin Copyright ©2000 - 2014, Jelsoft Enterprises Ltd
الحقوق هذي تخولك بيع برنامجك لعدد غير محدود من العملاء .. اللهم تنسخه وتركبه بموقع العميل مرة ومرتين وثلاث وكل مرة بثمنها .. أضف لذلك
أن تلك الحقوق بأسفل الموقع بتعطيها أنت ارتباط بجوجل بحيث أن أي واحد يبحث عن خبر بجوجل راح يطلع ضمن النتائج إسمك
واسم برنامجك .. واللي بيبحث باستخدام كلمة (إنفنتي) راح يطلع له مواقع كثير تستخدم هذا البرنامج الذي برمجته أحد
الشركات العربية (ماشاء الله تبارك الله ) هالبرنامج هذا أتوقع إن دخل مبيعاته وصل المليون .
شيء آخر .. المبرمج الشاطر مع الوقت راح يكون مجموعة مصادر خاصة به ومجلدات بها عدد من الأدوات والملفات المساعدة له في عمله .. ويقدر من خلالها
يعمل برنامج خاص في يوم أو يومين مع بعض التعديلات عليها .. ليس من المعقول أن يبدأ المبرمج من الصفر في كل مشاريعه
2- السكربتات الجاهزة اللي تقول عليها .. هذه السكربتات تستخدمها الكثير من المواقع مثل سكربت (الووردبريس) .. أنت كمبرمج تراك (منشار)
لن يستغني عنك صاحب السكربتات المجانية فتلك البرامج لها إضافات و Plugins مدفوعة ونسخ مطورة تباع بالآلاف .. فإذا ركب صاحب الموقع
سكربت مجاني سيبحث عنك لامحالة إما لتركيب إضافة أو برمجتها أو لتحديثها اللي لابد يصير يوم من الأيام.
3- البرامج والسكربتات المجانية مشكلتها مشكلة .. فعند ظهور ثغرة في أحدها فهذا يعني أن تلك الثغرة يمكن استغلالها للإضرار بجميع المواقع
الأخرى التي تستخدم نفس البرنامج !! لذلك مافيه أحد حريص على موقعه وجهده سيجازف بسكربت مجاني دون اللجوء لمبرمج يعمل له الحماية أو
التعديل اللي يضمن له تأمين موقعه .
4- بالنسبة للتصميم ومهارة الفوتشوب فليس شرطا .. المواقع اليوم تعتمد طريقة (templates أو themes) .. البرمجة مفصولة تماما عن التصميم
ويمكن لصاحب الموقع الاتفاق مع مصمم بشكل مستقل .. يعني التصميم ليس أساسا لعملك .. ولنفترض أن عميل معين طلب منك تصميم وبرمجة موقعه
فالأمر سهل .. تحسب عليه حق التصميم ضمن التكلفة الإجمالية وتتفق أنت مع مصمم .. أو تلجأ لتصاميم جاهزة ومجانية تملأ الشبكة وخذ منها
أي تصميم وعدل عليه .. وإذا ماتبي المجاني فيه تصاميم مدفوعة واحترافية ماتتجاوز الخمسين ريال .
اقتباس:
المشاركة الأصلية كتبت بواسطة الضبيرية
لماذا لا بد يا أخي خالد تعلم html في البداية ....
أليس الأولى البدء من حيث انتهى الآخرون ..يعني نبدأ من لغات من مثل php ؟؟؟؟؟
ثم مارأيك في كلام الأخ "غَرّكْ وِفَايْ" ؟؟؟؟ أين المشكلة عنده !!؟؟
وسؤالي الآخير : هل هناك معاهد جيدة تقدم هذه الدورات الخاصة بالبرمجة ؟ صحيح اليويتبوب مليان لكن لن تكون مثل الحضور والتفاعل .!!
|
لنفرض أن موقع الإنترنت عبارة عن سيارة 
على كذا بيكون كالتالي :
1- لغة html هي الشاص أو الهيكل اللي يركب عليه بقية القطع
2- لغة php هي المكينة والقير اللي بتخلي السيارة تمشي وتتحرك
3- لغة css هي اللون والزبرقة والأزياق والتصميم للموتر
كل لغة لها وظيفتها .. ولاغنى لإحداهما عن الأخرى .. هذا بمفهوم بسيط ولا سؤالك فيه تفريعات كثيرة
اقتباس:
المشاركة الأصلية كتبت بواسطة للصبر أهداف
نشكر الاخ خالد على حبه الخير للجميع
واتمنى ان يفيدنا من اين نبدا وكيف نبدا ؟
وجزاك الله الف خير اخوي خالد
وايضا لو نعمل قروب وتساب ويكون الاخ خالد مدير القروب حتى نتعلم من بعض ويكون الاخ خالد المرشد لنا حتى نتقن البرمجه بشكل جيد
|
أنا بخدمة الجميع وحياكم بأي وقت .. متى مالقيت الوقت للتفاعل معكم فسأجيبكم وأنفعكم بأي شكل تحبون
اقتباس:
المشاركة الأصلية كتبت بواسطة عووووووووووون
كلام جميل واتفق معك
بس أخوي ممكن تدلنا على مركز تدريب أو معهد يقدم هالدورات وكم ساعة باليوم إذا كانت لمدة شهر وبكم سعرها
لا هنت يالغلا
|
اقتباس:
وعليك السلام ورحمه الله وبركاته
لي كم سنه اتابع هالمنتدى
وبالقسم هذا تحديدا وما سجلت الا بعد مواضيعك
شو رايك تسوي برنامج فيه شات صغيرون
و فيديو تعليمي زي جامعتي حاليا
وعلمنا البرمجه
لان لو ببحث لازم يكون شرح شخص واحد
لاجل اعرف الدرس السابق ايش هو..
او تنزل لنا المفكره او ملخص للدوره الي قدمتها بشهر..
لان بحثت لقيت دوره برمجه كامله بس الصور مش موجوده
انا ابيها ع شكل دوره
و اتمنى تساعدنا من ناحيه هالشي وتقدمه لنا ونكون طلابك
وليت تحط ايميلك..
|
الكثيررررررر في الرسائل الخاصة يبون أعطيهم دورات خاصة أو يسأل عن معاهد
ليش ماتخلي فلوسك بجيبك وتتعلم من الإنترنت !! ياعالم كل هالمعاهد اللي تشوفون ماكانت تعرف php قبل كم سنة
ومريت أغلبها على رأسهم نيوهورايزن وماكان فيه مدرب واحد لها !! المدربين اللي تشوفهم اليوم كلهم تعلموا عن طريق
النت وقرأوا وتمرنوا على مصادر من الشبكة لأنه مافيه عربيا مرجع أو جهة تعليمية معتمدة لتدريسهم هذه اللغة سابقا .. فتعلموا
هناك دروس وكتب وفيديوهات ونماذج مشاريع وكل شيء ميسر
عموما ماعندي مشكلة أعطي دورات خاصة إذا اجتمع ( خمسة ليس أكثر ) ونتفق على جدول ومكان معين للدورة .. أنا حددت خمسة لأن
كثرة العدد تضيع العموم وتشتت المحاضرة بين كثرة الأسئلة ومشاكل التطبيق وأنا أبغى الجميع يكون متقن ولن نتجاوز إلا بإتمام الجميع للدرس
اقتباس:
المشاركة الأصلية كتبت بواسطة الضبيرية
موقع الأخ عبدالله عيد المحمادي جيد ....ودروسه وافية شاملة للغات البرمجة ...لكن المشكلة تكمن في السؤال والاستفسار عن أي مشكلة تواجهك ....فالأخ كما قال مايلحق يرد على واحد !!
|
موقع عبدالله ممتاز بس فيه إشكالية عبدالله شخص مبرمج عبقري والبرمجة تمشي بعروقه وحتى بمفرداته وطريقته وممكن يصعب على المبتدئ استيعاب شرحه
فيه موقع اسمه آرسن ( تعليم PHP) اللي بيبحث عنه سيجد شرح متدرج وسهل .. وفيه كتاب للأخ ( صقر العنزي ) لتعليم php + MySql ستجدونه بالبحث عنه
والله يوفقنا وإياكم وكل عام وأنتم بخير