السلام عليكم ..
كل سنة تنزل وظائف الجامعه في شهر 10 او 11 وهالمرة تأخروا .. وكلنا ننتظر وكل فترة اشيك على المنتدى اتحرى تجمع جديد .. لكن ماني شايفه شي ..

الموضوع الاهم عندي ..

قبل امس الجمعه الساعه 8 فاليل
جامي اتصال من موظفة .. قالت انتي فلانة
نعم انا فلانه
انتي قدمتي على وظيفه في الجامعه قلت نعم طبعا انا مقدمة من سنة وشهر تقريبا واختبرت ولا جاني ترشيح ضاق صدري لكن قلت الحمدلله ربي عوضني بغيرها .. وكل ماتذكرت اني ماترشحت قلت اللهم اجرني في مصيبتي واخلفني خير ا منها..
المهم
قالت انتي على رأس العمل قلت لااا .
قالت انتي مرشحة لوظيفة الفلانية في الجامعه براتب 4200 موافقة ؟ قلت ايوااا موافقة من الفرحة حتى مدري وش مسمى الوظيفه
قالت بتوصلك رساله على الجوال بموعد المقابلة وتجين قلت ان شاء الله وقفلت
سجدت سجدت شكر حمدت ربي وبكيت من الفرحة بعد 8 سنوات وبدخل التاسعه تجيني وظيفه ..

بعدما حاولت استوعب لاني مو مصدقة .. قلت ثاني خلني اتصل على رقم الجوال واستفسر عن المسمى الوظيفي والسبت من الظهر الجوال مغلق الي الااان

ونا الحين كتبت الموضوع بسأل هل في احد منكم جاه اتصال ..
وسوروا علية وش اسوي
اخاف المقابلة بكرة ولا ارسلولي ..وتروح علية لاسمح الله ..ومرات اقول الاحد اول يوم دوامات ماراح يقابلون من اول يوم ..
واكلني الوسواس .. بالله شوروا علية واذا احد يعرف وظيفة ب4200 يقولي مسماها ..وش راح يسألون بالمقابلة وش اسوي .. تكفووون ساعدوني