اليوم كان التكملة للكشف الطبي, سوينا فحوصات البصر والسمع والضغط والصدر وتخطيط القلب وبعدها مقابلة مع الطبيب العام يشوف أوراقك ويوقع عليها إنك لائق طبيا. الحمد لله الأمور انتهت أسرع من أمس وخرجت من الميديكال على حوالي الساعة 10 ونص, فكان في وقت حتى أروح للجنائيات وأخلص أموري معاهم, بس أنا أنصح أي شخص لو يحب يخلص أموره كلها في يومين بأنه في اليوم الثاني يصحى بدري ويروح للجنائيات ويكون عندهم 7 ونص ويسحب رقم من بدري حتى يخلص أموره بسرعة ويلحق بعدها الميديكال, أشوف ذا أفضل من انك تسوي الميديكال قبلها لأنك ما تضمن متى بتخلص. أنا عن نفسي لمن رحت للجنائيات مع بعض الشباب اخذ منا ساعة كاملة مع الزحام حتى وصلنالهم, لمن دخلنا عندهم كانت الساعة 11 ونص وبعدها انتظار بعد ما تسحب رقمك, دخلنا وبصمنا على حوالي الساعة 12 وربع يعني على الحافة قبل اذان الظهر!
وعندي خبر مفرح لك أخوي أحمد أسامة, في واحد من الشباب قله الطبيب العام انه وزنه زايد عن طوله بس مشاه, قله علشان وظيفتك مشرف تنفيذي بمشيك بس لو كنت طيار أو صيانة فإنسى. فروح وانت مرتاح ولا تشيل هم.