|
حلاق بيعطيك 1200 شهريآ ؟ تقبل ولا لا ء ؟
فيه حلاق هندي دائمآ احلق عنده من 4 سنوات، المهم جيته البارح احلق ودارت بيني وبينه السواليف كالعادة، وقال كفيلي متغير علي وصار يكثر مماطلات وابغالي كفيل جديد،،، قلت طيب وش المطلوب،،، قال ابغى انقل كفالتي عليك وببدل لوحة المحل بأسمك وبغير الرخصة بأسمك واي التزامات مادية راح ادفعها عنك، وانت اكل وارقد ولك مني كل شهر 600 ريال وان طلعت لي عامل ثاني ابعطيك 1200 شهريآ صافي لك، واسدد عنك الأجار والكهرب وكل شي،،، انت بس خلك فالبيت وبتجيك 1200 شهريآ في حسابك، اهم شي وافق على نقل كفالتي لك، لئنه على كلامه ارتاح لي ولتعاملي معه،
فالبداية والله كشيت من الموضوع وما تقبلته، بس بعدين قمت اقلب كلامه وجاز لي والأن الفكرة تاكل وتشرب معي، والعائق الي مخليني بقوة متردد، شرعية الفلوس "حلال / حرام" لئن الحلاق فيه اكثر من فتوى شرعيه لا تجيز مدخوله وربحه المادي،
السؤال: رايكم فالموضوع بختصاريارواد المنتدى
التعديل الأخير تم بواسطة سهيل اليمان ; 14-10-2014 الساعة 04:16 PM
|