السلام عليكم
انا مبسوطة الحمدلله اليوم وصلني المكبس و سحبت ع الدنيا كلها عشان اجربو
وكل شي تمام الحمدلله الورق اخدتو من نجوم الليزر الماني للان جيد بس بااداعم قالي انو عندو ورق امريكي ممتاز برضو ممكن اجربو مع الايام
اهتميت بموضوع الاي 3 كتير لاني كنت حابة انو التيشيرت يكون في رسمة ولا كلام بكبر التيشيرت
و زي ماتفضل خبير الطباعة قاللي باداعم موجود الورق بس اجلت الفكرة شوية لقدام و بفكر اني استغل الاستكرز او الفينيل للعبارات ( ترا حماسي مو طبيعي انا بتكلم و الكتر لسة ماوصلني ولا الاستكر بس خيالي واسع للغاية)
المج ترافل اخدتها من نجوم الليزر من زكائي الخارق ماكنت ادري انو حق الساخن نفسو بورقة ع بالي ستيل يعني طباعة حرارية قمت طلبت 5 بارد و 5 حار و طبعن غالبن حقة البارد حتجلس ف وجهي هههههههه وطبعن للان ماهي راضية تزبط الصورة وسط المج
في مج حافظ برضو بس يجي نفس حجم الكوب العايدي بس اللهما انو بغطا لو احد يعرف فين ينباع يديني فكرة لانة عاجبني صراحة
بالنسبة للاكواب هل لو جبت ورق الخاص بالاكواب لطابعة الليزر و طبعت و حطيت الكوب وسط الة السبلميشن الكبيرة الحمرا يزبط ؟ ولا لازم استنى ابسونتي تحن عليا و تتصلح من لحالها ؟ نفس السؤال للالمونيوم و الكفرات الالمونيوم و الاستاند حق الاكواب و و و و
لو في احد يعرف طريقة النوتات بالتفصيل الممل ياريت مايبخل علينا
من حماسي للمشروع اول مرة اكتب معروض قد كدا طولو
و سلامتكم 