بسم الله الرحمن الرحيم
كثرة المواضيع بخصوص سوق الخضار الكثير تحمس يخش بالشغلة لكن وقت الجد والبدء في التنفيذ لا تجد أحد الا من رحم ربي .
أنا يأخوان أحد أعضاء المنتدى دخلت على أغلب مواضيع الخاصة بسوق الخضار تحمست وحبيت الشغلة قلت خلني أنزل حراج الخضره بسوق جدة وأدرسه بشكل يومي لعلي أطلع بنتيجة وفعلا يوم بعد يوم الى أن عرفت تقريبا 80% من طريقة الكسب أبطالها الدلال أولا بخبرته وعلمه بالبضايع اللي جايه يقدر يقولك وش تنزل اليوم ويحرج عليه عشان تمشي بضاعتك بسعر مربح. الدلال اللي لقيته ماشاء الله عليه وين مايحرج والزباين ماشيه معه وباقي الدلالين ماحولك أحد
ثانيا أنت يالبايع علاقتك لازم تكون مع دلال واحد عشان يكسبك وأنت تكسبه .
ياأعزائي أول يوم جيت للحلقه كانو أغلبهم (طبعا بنقاليه) منزلين بضايع فاصوليا وفلفل أخضر ما عدا واحد (بنقالي) منزل 10 كراتين تقريبا باميه والله صار قدامي وصل المزاد ل130 ريال للكرتون .ثاني يوم نزل الاغلبيه باميه بس ما وصلوا للسعر هذا وخوينا البنقالي الوحيد منزل خيار تقريبا 30 كرتون وانباع ب40 ريال
خوينا هذا فهم الشغله وفهم السوق وينزل بضايع نظيفه وما ينزل بضاعته الا عند الدلال هذا وبس والكل صار ينتظر بضاعته بحكم نظافتها .
اللي حزني أن اللي يبيعوا أجانب تمنيت يكون سعودي.
اللي أبي أوصله أن الشغله فيها مربح لو طلعلك بالميت 1000 ريال باليوم بشهر 30000الف بس مشكلتنا ياأغلب السعوديين أننا نتكبر على الشغل وما عندنا صبر و أنا عندي الحل .
الشغله سهله بس يبيلها تنظيم وتعاون :
أهم شي العزم والجد والثقة والأمانه والصبر أهم الامور لنجاح الشغله.
: محتاجين أحد عنده مزارع أو يكون بمنطقه تكثر حولها المزارع بمعنى المناطق الزراعيه (جيزان .نجران .عسير .الطايف .تبوك ..) أسعار الخضار في السوق بسعر رخيص بحكم وجود المزارع حولها .
وأنا مستعد أتكفل ببيعها بمنطقتي (جدة) طبعا جدة مفيدة للي يبيع ومهي مفيده للي يشتري بحكم الطلب على الخضار وعدم وجود مزارع حولها والربح والخساره بالنص ونقضي على سوق العماله ومحد يرسل الا النضيف وأنا والله ماابي غير أني أفيد واستفيد واعتذر أني طولت بموضوعي واللي عنده أي ملاحظات أتقبلها بصدر رحب واللي حاب يتعاون معي أنا موجود وحياه الله.
ودمتم بود.