المشاركة الأصلية كتبت بواسطة نخيل لا تنحني

تقدر تدخل كمستثمر اجنبي اذا عندك رأس مال كافي لكن في مجال المعدات تحديدا ما اعرف لان هناك انشطة تجارية معينة محظور العمل فيها لغير السعوديين لرغبتهم في سعودتها ومنها النقل الثقيل اذا ما تغير النظام

بالنسبة لكيف تعمل؟ و هل تسلمها سائق ؟

هذا تحدده انت ايش اللي تفكر تنقله ؟

بعض ملاك القلابات يأجر القلاب اما بسائق او بدون على شركات المشاريع وهم يسلمونه شهريا مبلغ متفق عليه

وبعضهم يشتغل بالردود في المواقع الانشائية او بين المحافظات

يعني هذا راجع لاختيارك انت وين تبي تشتغل وعلى اي شغلة لأن فيه نقل مواد بناء وفيه نقل من الموانئ للمدن وفيه نقل اعلاف

من تحديدك قلابات فهمت انك تبي تشتغل في المقاولات ؟

في رأيي اذا بتدخل كمستثمر ( طبعا بعد ما تتأكد هل هو مسموح للاجانب بهالقطاع) تدخل كشريك مع سعودي علشان اذا سافرت او غبت يديرها هو لأن فكرة انك تسلم ادارتها لموظف وتسافر تدرس مجازفة فالموظف بيكون همه راتبه يستلمه منك وانتهينا يعني ما راح يتحمس مثل صاحب الملك.

لاحظت ان اسمك العنزي فهل انت خليجي ؟ لأن الخليجيين حسب علمي نظامهم يختلف داخل دول المجلس عن غير الخليجيين