أنا بحكيلكم قصتي مع أني ما أحب اتكلم في مثل هاذي الاشياء لجل محد يسيء الظن فيني

أنا توظفت في وظيفة من سنتين تقريبا قطاع خاص فترتين ومن ذاك الوقت وأنا ادق باب الناس أغلب اللي تقدمت لهم موظفات وكلهم رفضوني (لسان حال البعض موظف براتب 3000 ريال وش يبي بموظفة الا اكيد طمعان هذا اللي حاصل اليوم) قلت طيب خليني ابحث عن وحدة جامعية وبرضه تقدمت لـ 3 وتم الرفض

ومن سنتين وللحين ما حصل نصيب

وأخيرا لقيت وحده مطلقة قبل شهرين تقريبا ووافقوا ولما قلت لأبو البنت أملك وآخذ قرض بنك التسليف للزواج وأجهز البيت وأتزوج رفض قال عاداتنا وتقاليدنا ما تسمح بهذا الشيء وش تبي الناس تقول عننا
تملك وتتزوج على طول قلت ماني جاهز فلوس المهر جاهزة لكن غيره بكمله بقرض التسليف قال البيت تجهزة في 48 ساعة قلت ياعمي والله يبيلي أكثر قال دام انك منت جاهز ورى جيت تخطب الله يوفقك ويوفقها ...

الأسبوع اللي طاف أهلي يكلموني عن وحده موظفة بعيدة عن مدينتي وقالوا البنت موافقة والاب للحين محد اعطاه خبر قلت على بركة الله نروح للأب واشرح له التفاصيل وشوف وش بيقول وان شاء الله ما يقول تملك وتتزوج على طول مثل غيره...

كثير من العائلات تتحكم في البنات في المهر والرجل مثلا اذا تقدم لها رجل ميسور الحال يقولوا لا شوفي واحد افضل منه راتبه ما يكفي او المهر اذا الرجل قال مقدر على 40 ألف ياليت يكون 30 او 20 الاهل يرفضون والبنت مسكينة مالها حيلة او يجيلها واحد من قبيلة غير قبيلتها ويرفضونه

نادرا ما نلاقي أب يبحث عن بنته رجل صالح ما يهمه المال ولا الوظيفة قليل جدا

دعواتكم لي بالتوفيق بالزواج