المشاركة الأصلية كتبت بواسطة مخاوي زمانه

صباح الخير يخوان
انا واعوذ بالله من كلمه انا
اليوم مقابلتي على وظيفة كاتب بالرياض
رحت لهم مبكر وكانت المقابلة من أبسط مايكون
الاسئلة كانت عاديه وسواليف ...
تكلم عن نفسك - ليه تركت القطاع الخاص ورواتبهم افضل
ليه ماكملت تعليمك مع ان معدلك حلو وعالي..
انت مقدم على وظيفة كاتب، ماهي مهام الوظيفة؟

الاجابه تركت القطاع الخاص لعدم توفر الامان الوظيفي
وتكون اولويه التعامل في القطاع الخاص للاجنبي قبل السعودي .

والدراسه قلت اني اكبر اخواني والوالد متقاعد
والظروف ماسمحت لي اكمل والعلم لابد منه سواء كنت
شاب أو شايب .

ومهام وظيفة الكاتب قلت استلام الصادر والوارد وتسجيلها
في السجلات بعد التأكد من مرفقاتها كاملة.

اللجنة بشوشين ومبتسمين ومبشرين بالخير
طلعت من عندهم ودخلت على البوابه وكانت النتيجة
(اجتياز المقابلة الشخصية)

الحمدلله أولاً وأخيراً، والله ييسر الوظيفة لي ولكم أجمعين