الله يفرج همك وييسر امرك وسخر اهلك لك ،،

اخوي الله يعنيك على المشاكل اللي مريت فيها ، بس ليش تتوقع انك انت وحدك اللي تمر بمشاكل بهالزمن هذا الزمن مليان مشاكل مو انت وحدك هذا شيء ،، الشيء الثاني : ادع لأهلك بصلاة الليل (الوتر) مو تدعي عليهم وبتشوف لا تقول انهم ما يستحقون بالعكس الله بإذنه يهدي النفوس بينكم ويصلح احوالكم
بعدين اللي فهمته جزء من كلامك ان اهلك فيه مشاكل صارت ما لهم دخل فيها مثل المستوى المادي مو ضروري يكون ابوك هو السبب او أي احد غير كذا هم بعد يعانون نفسيا يمكن لو امك او اخوك او ابوك يفتح قلبه لك بتسمع منه اشياء ما كنت تتوقعها هم بعد اكيد مهمومين من اشياء كثيرة
ايضا اخوي خل قلبك كبير لاهلك صدقني لا تحقد عليهم لانهم كذا ماراح تعيش مرتاح ابدا ابدا و اقولها لك انا شفت ناس يفكرون نفس تفكيرك دهوروا انفسهم فوق ما هم متدهورين
ترا فيه ناس وضعهم زي وضعك والان الله رزقهم ووفقهم وبعضهم كملوا حتى الماجستير
الحمد لله انك عندك طموح ومهتم بدارستك هذا شيء طيب ومهم لا تخلي أي شيء يقف في وجه طموحك الي ما حققته الحين بتحققه بكره ان شاء الله واذا الله ما كتب لك شيء تبيه لا تقول بيروح عليك او تخسر او يفوتك لأن الخيره فيما اختاره الله قال تعالى ( ألا يعلم من خلق وهو اللطيف الخبير) اذا الله ابعد عنك شيء فإما انك حاليا غير مستعد له او يسحقق لك لاحقا أفضل منه
وبالنسبة للغة الانجليزية نصيحة فيه مواقع على النت رائعه بالتعليم اللغة الانجليزية تدرب عليها لمين تلقى ان شاء الله فرصة و تدرس اللغه
اما بالنسبة للسيارة فيه شباب عاشوا اسوأ من وضعك كثيييير وهم اخوان والله فرجها عليهم
لكن اخوي اهتم بالدعاء لك ولاهلك والله بتشوف الفرق والراحه وخلك انت حتى وان كنت الصغير او فيه اكبر منك انت العاقل اللي تقدر تهدي الامور بأسرتك وانت اللي تقربهم من بعض او انت اللي تنصحهم وتوجههم واقولها من واقع تجارب بما انك انت صاحب المشكلة صدقني انت الي بيدك تخفيف الامور باسرتك ،، بصراحه انت تتكلم عن اخطائهم وانت فيك اخطاء ايضا عالج أخطاءك اولا والله بتغير وجهة نظرك باهلك 180 درجه وتتفهم اشياء كنت تعاتبهم عليها

اسأل الله العظيم رب العرش العظيم انه يصلح حالك وحال اهلك ويرزقك من حيث لا تحتسب ويشفي والدك ويسخر اهلك لك