بنات الخدمة الاجتماعيه لو بنظر للموضوع بنفس نظرتكم بقول انتم مالكم حق تقدمون لوظيفة الارشاد ... ليه؟
اولا وظيفة الارشاد تربويه وانتم غير تربويين
الوظيفه على المستوى الخامس > بكالوريوس تربوي
اذا معك بكالوريوس تربوي قدمي وفالك القبول
اما غير تربويه وتاخذين المستوى الخامس هذي من متى تصير ؟؟؟؟
الامر الثاني انا تخصصي دراسات اسلاميه ومعاي دبلوم عالي وتقولين لي مالك حق؟
تعالي نشوف المواد اللي درسناها احنا وانتم
اخذت بالبكالوريوس علم نفس تربوي وعلم نفس نمو و صحة نفسيه 3 ساعات لكل مقرر
اضافه الى مواد الدبلوم ارشاد طلابي و قياس وتشخيص نفسي و نظريات الارشاد والتوجيه و علم نفس النموو علم نفس الطفوله والمراهقه و بناء المقاييس النفسية و الصحة النفسيه المدرسيه و توجيه وارشاد ذوي الاحتياجات الخاصة و مبادئ الارشاد النفسي و تكنولوجيا الارشاد والتوجيه
وبعد هذا كله تقولين غير متخصصات بالارشاد الطلابي ؟؟؟؟؟
اذا مالنا حق ندرسه ليه يقبلونا فيه؟
شروط القبول انها تكون تربويه بغض النظر عن تخصصها
كذلك الماجستير اي تخصص تربوي يقبلونه
الارشاد ماهو بالتعقيد اللي تشوفينه احنا نتعامل مع الطالبات زي ماتتعامل الام مع بناتها
فيه ام ماتقدر تحل مشكله لبنتها اللي بالمدرسه؟!
هذا مو مستشفى الامراض النفسيه حتى تقولين اننا غير مؤهلين فوق كل هالمواد اللي درسناها
انتي غير تربويه تخصصك خدمة اجتماعيه يعني مجالك ماهو بالتعليم نهائيا ليش زعلانه؟
شوفي مجالات كثير ووزارات كثيره تقدرين تقدمين فيها احنا مالنا الا التعليم وتبين تحسدينا عليه؟