عرض مشاركة واحدة
  #3 (permalink)  
قديم 10-11-2014, 03:50 AM
أرباح للتسويق أرباح للتسويق غير متصل
عضو مهم
 
تاريخ التسجيل: Apr 2013
المشاركات: 276
معدل تقييم المستوى: 1176
أرباح للتسويق محترف الإبداعأرباح للتسويق محترف الإبداعأرباح للتسويق محترف الإبداعأرباح للتسويق محترف الإبداعأرباح للتسويق محترف الإبداعأرباح للتسويق محترف الإبداعأرباح للتسويق محترف الإبداعأرباح للتسويق محترف الإبداعأرباح للتسويق محترف الإبداعأرباح للتسويق محترف الإبداعأرباح للتسويق محترف الإبداع

و الله اخوي ما عندي معرفة واسعة بالموضوع
لكن من باب لا تحقرن من المعروف شيئا
ربما تجد في كلامي ما يفيدك و لو كان بسيطا :
الفرصة الاولى :
سوق المينا - الحراج - الصواريخ ثلاث مسميات لسوق واحد
السوق كبير جد فيه ما يقارب 1200 محل
فيه الرخيص و الغالي من كثر العالم اللي فيه كل الناس صارت تجار فيه
حتى الاكل اللي المنتهي الصلاحية ينباع !!!
المهم هذا السوق ما ينفع فيه الا انك تروح بنفسك و تلف فيه يومين ثلاثة
و تعرف المحلات و الاسعار و بعدها انت و شطارتك
في بضائع تلاقي الفرق فيها كبير جدا وجدت كنب امريكي ب7 الاف
و جدناه بالمدينة المنورة ب14 الف و بجانب المحل في محل ثاني اسعاره اغلى من المدينة المنورة يعني انت بخبرتك راح تعرف الاسعار
الميزة اللي فيه انه الفرص اللي فيه كثيرة بس تبغى تفرغ و راحة بال
تقدر ايضا تستاجر دينا و توزع ارقامك على المحلات و تنقل بضائع
الرد 600 -700 ريال هذا من جدة الى المدينة مئات من الناس ينقلون بضائعهم خاصة الاثاث
من المينا الى مناطقهم
لكن الافضل انك تروح من الصباح بعد 9 الى المغرب و راح تلاحظ كثرة الشاحنات
اللي تحمل الكونترات خارجة من السوق
الفرصة الثانية :
في بعض التجار يبيعون بضائعم بمجرد نزولها على المينا تلاقيها بنص سعرها بالتجزئة
احد معارفي اشترى غرفة نوم سعرها بالسوق 6 الاف ب3 الاف و لو انتظر اكثر كان نزلت 2000 لكن العجلة ..
الفرصة الثالثة :
الاستوكات و البضائع اللي ما يقدر اصحابها يستلموها لاي سبب تنباع بالمزاد بدون ما تعرف
ايش داخل الكونتر و انت و حظك
في سوق ثاني اسمه الخاسكية
هذا في كل بضائع الجملة ادوات تجميل شنط عطورات ادوات منزلية و منظفات .. الخ
اغلب اصحاب المحلات يطلعون الخاسكية يشترون بالجملة
و ان شاء الله احد يفيدك اكثر و و إذا قدرت تستفيد من بعض المندوبين من اهل جدة الي يوفرون بضاعة من المينا و الخاسكية ابحث عنهم في المنتديات فأهل مكة ادرى بشعابها خليه يدور معك السوق و يفيدك بمعلوماته ...

التعديل الأخير تم بواسطة أرباح للتسويق ; 10-11-2014 الساعة 03:52 AM
رد مع اقتباس