التعاون شي جميل

ما ابغى احبطك بس للاسف بعض التاجرات ما عندهم حس ومهارة تجارية

للاسف لي تجربة سيئه
اعرف التصميم لكن ماعندي الات الطباعة ولا القدرة اني اشتريها يعني مثلك
فبحثت عن جهة متعاونه تملك الادوات
هي لها ربح الخامات والحبر وانا لي حق التصميم
فيصير المبلغ المجموع تكلفة السلعة
بدون مبالغة ومع مراعاة سعر السوق

الاتفاق انا ما اقول ان طباعتي عن فلانه
ليش : لانها تطبع وتصمم وبكذا كاني اعلن لها وماراح استفيد شي

والتجارة تبادل منفعه انا استفيد وانتي تستفيدين وهذا اساس اتفاقي

عرضت الاتفاق على كذا وحده البعض رفض قالوا نبغى نشتغل باسمنا برغم انه الاتفاق له فايدة لهم ومصدر رزق اضافي وتوسع اكثر

و بالاخير لقيت متعاونه و تمت الموافقه بعد البحث

اللي صار يعطوني سعرهم اللي مع التصميم مو بس سعرهم للخامة
يعني سعرهم للزبون هو نفسه اللي اعطوه لي بدون خصم قيمة التصميم برغم انها مو من عندهم
وبكذا لما اجي ازيد عالسعر قيمة تعبي وتصميمي يصير السعر مبالغ فيه فهذا خسرني كثير

المشكلة الثانيه الشحن بيكون من عندهم فما تدري ايش اللي بيوصل للعميل
هل انطبع كويس هل خافت الله و احسنت بشغلها او عملتها أي كلام بما انها مو باسمها ولا بيضر شغلها
وكله باسمك
شحنوا لي اكواب لعميلة وكانت كثيرة وللاسف ما حرصت انها تشحنها كويس و وصلت للعميلة مكسورة
و انا كنت المتضرره .

غير مشكلة الحسد تشوف انها تكسبك و تطالع رزقك

فياتزيد عليك السعر المتفق يا تلغي الاتفاق او تماطل في التسليم وتتاخر في متابعة طلبك وتحرجك مع زباينك

مفهوم التجارة غلط عندهم
انا باتفاقي معاك اصرف خاماتك من اكواب وتيشرتات والخ
وانتي مو خسرانه شي بعطيك سعر الخامه مع ربحها يعني مافي أي ضرر عليك
بالعكس بيعتبر مصدر رزق اضافي على شغلك
والطلبات كذا بتزيد من اكثر من جهة خصوصا للي يتعاونون مع اكثر من مصممه

بس مين يفهم هذا الشي

انصحك بموقع تيشير
كل اللي عليك ترسلي لهم تصميمك وهما عليهم التسويق والطباعة والشحن وكل شي
منها تشوفي تصاميمك تمشي او لا
ومنها بتكوني تعاونتي مع جهة مضمونه وعارفة تشتغل صح وفاهمة يعني ايه مكاسب وتجارة
بدون أي مشاكل من اللي ذكرتها فوق

وبالتوفيق يارب