بسم الله الرحمن الرحيم .. السلام عليكم ورحمة الله وبركاته .. كيفكم جميعاً ؟ عساكم طيبين ؟ ... (لا اعرف ان كان هذا القسم الصحيح للموضوع او لا لذلك اعتذر ان لم يكن قسمه ) حبايبي عندي موضوع حبيت اطرحه هنا عشان تشاركوني فيه و تفيدوني اذا احد عنده خلفيه .. طبعا انا شاب في مقتبل عُمري .. جامعي .. جاني اتصال من شخص يقول انه من مكتب توظيف اهلي وقال عندنا برامج تدريب منتهي بالتوظيف و شهادات معتمده + مكافأه شهريه .. المهم عطاني وصف المكتب ورحت لـه .. المكتب معروف على المستوى العام ويعتبر له اسم وصيت .. رحت المكتب قابلت الشخص واجريت معه مقابلة بعدين اخذ شهادتي و صور هويتي وقالي المعهد الي يتتدرب فيه في نفس الدور الي احنا فيه (طبعاً المكاتب كلها في مجمع تجاري) وارسلني للمعهد المقصود , المعهد أسمه (الألفيه) < طبعا اول مره اسمع فيه رحت وقابلت شخص مسؤول عن التسجيل وشرح لي الية البرنامج البرنامج عباراة عـن دورة مساعد اداري تأهيليه + حاسب + انقلش .. على كلامه يقول مساعد اداري + حاسب تدرسها عندنا وتختبرها في المؤسسة العامة لتدريب المهني والتقني < كذا الشهادات معتمده ! شي جميل , اما بالنسبه للأنقلش فالأختبار عندهم (لا اعرف ان كانت شهادة معتمده او لا ) .. دخلنا في تفاصيل التدريب فقال المسؤول عن التسجيل التالي : توقعون عقد مع شركة العقد عقد تدريب منتهي بالتوظيف وعلى أثر هذا العقد تتدربون في المعهد ما يقارب سنه ونصف ومن ثم تكملون دوام رسمي في الشركه علماً أن الدوام في المعهد 4 ساعات يومياً والاجازة الاسبوعيه 3 ايام .. ثم دخل في تفاصيل أخرى يقول لن يقبل في المعهد الا من لم يسق لهم الدعم من صندوق الموارد + غير مسجلين في التأمينات .. وبدئ الكلام عن المكافأه . وهنا حطيت أكثر من علامة استفهام ! طبعاً المعهد عنده تسعيره معينه الوضع عندهم مو بوفيه و طعميه وشكشوكه ! لكن تفاجأت انه يوم بدى يتكلم عن المكافأه قال , ان الشركة تعطينا راتب 4 2 من الموارد المستحقه + 2 من الشركة يخصم تأمينات 400 ! كم يبقى ؟ يبقى 3600 ! وهنا كان الكلام الغريب ! يقول تاخذ من الـ 3600 // 1500 و 2100 تعطيها المعهد (قيمه لدورات الي بتاخذها ) طبعا اسلمهم في يدهم قلت طيب كم سعر اجمالي الدورات ! فقام يضحك ولا عطاني اسعارها خرج من الموضوع بسرعه وبدى يقولي في كل الاحوال انت الكسبان ثم دخلت على موقعهم الرسمي لأحسب قيمة الدورات فكان قيمتها كلها تقريباً 16 الف !!!! بينما هو يقول ان ما لهم هو 2100 ! علماً ان حتى العقد الي اعطاني ياه من الشركة الي بتدربني مافيه اي شي ينص على اني اعطي المعهد هالمبلغ بل انه لم يذكر ابدا في العقد (عقد الشركة) اي شي عن التدريب بل كله يتمحور حول وظيفه بدوام كامل ولا يوجد اي شي يدل على ان هناك وسيط او هناك مستحق او اي استقطاع من الراتب لمصلحة اي جهه ! ولو حسبنا 2100 لـمدة 16 شهر وهي مدة الدورات كامله (من غير الاجازات الي كمان على قولتهم يحسبوها يعني رمضان مافي دوام مع ذلك مدفوع قيمته للمعهد ) يطلع الناتج :33600 ! بما معناه ان المعهد ياخذ دبل قيمة تدريبه ! ب اي حق ياخذونها ؟ الله وحده يعلم + اتصلت على الاستقبال في المعهد وسألت عن الدورات وقالوا لي الاسعار في الموقع غير صحيحه بل الأسعار اقل من الموقع < ههههههههههه ! كل واحد فيهم يقول شي ! عدد الطلاب حسب كلامهم 130 (طلاب التدريب المنتهي بالتوظيف) وكل طالب بيدفع 2100 يعني في الشهر يطلع 273000 نضربها في مدة التدريب الكامل بدون حساب الاجازات الي كما ذكرت محسوب فيها الدفع يطلع :4 مليون و 300 الف هذا نصيب المعهد .. طبعاً طرحت هالحسبه كامله لاني حاس في كلامهم لخبطه ومحد يتكلم زي الثاني ! والاسعار في موقعهم شي ! وفي الواقع حطوا شي ثاني ! بأي حق اعطى راتب تدريب وياخذ 80% منه لصالح معهد ياخذ في الاساس اكثر من قيمة ما يفعله ! وليش مافي تسعيره محدده ! محد فيهم راضي يقول كم قيمة الدورات ! اعطينا 2100 وبس ! ليش على الأقل في العقد ما ظهرت ملامح التدريب ! لا يوجد اي ورقه تثبت التدريب وخطته كله من السنتهم ! بتسوون وبتسوون ! انا ما اقول المعهد ما يستحق شي ! لكن ياخذون الي لهم اما ضحك على الدقون هالشي غريب عجيب ! الي عنده رأي يسدحه والي يشوف ان الي سووه طبيعي وجائز والنظام يسمح به ينورنا اعتذر عن الاطالة ..