السلام عليكم ورحمة الله وبركاته
هاذي القصيدة قصة واقعية لشاب ب18 من عمره صاحب رفقاء السوء ومشي بطريق المخدرات وكتبها وهو بالسجن قبل مايطبق عليه حكم الإعدام وأعلن فيها
رحمة الله عليه ونقلتها لكم للفائدة
ويقول
ذبح السيف يا ناس هايب
افضل بالرصاص اقتلوني
والعين ملفوف عليها عصايب
لعل بعض الناس ما يعرفوني
ودي لو التنفيذ والشمس غايبه
انتم عرفتم قصتي وارحموني
واخشى على الوالد تلحقة عايبة
لو يدري اني مروج للفيون
لو يدري اني للمسلمين جايبة
ومدمن حشيش ومثقل بالديوني
يدعي علي ودعوة العود صايبة
ولاتخبرون الى بطبعة حنوني
الوالده تكثر عليها مصايبة
اخاف لا دريت يصيبها جنوني
يصبح بعلتها عذاب بشايبة
من ضاع عقلة ما تفيد العيون
والعقل من مد الكريم و وهايبة
والى جرح قلبي وزود طعوني
ونفسي عليها من العام ذايبة
جماعتي من سجنتي قاطعوني
كيف الفتى ينسى من اقرب قرايبة
كل السبايب شلة دهوروني
وصار الثمن راسي وفوقه مصايب
حسبي عليهم شلة ضيعوني
موت المهونة شلتي هم جلايبة
ما طعت يوم الطيبين انصحوني
ولا ينصح الإنسان إلا حبايبة
حسبي عليهم شله دهوروني
والموت حان وقربوا لى ركايبة
الله يرميهم مثل ما رموني
موت المهونه شلتي هم جلايبة
يالله وامرك بين كاف ونون
وخلقتني ما بين صلب وترايب
عوض علي دنياي واحسن ظنوني
واغفر لمن نفسه عن الشين تايبة
وياللي حضرتوا مقتلي سامحوني
هاذي نهاية قصتي مع سبايبة
وصلات ربي عد وبل المزوني
على الرسول عداد دورة هبايبة