اقتباس:
المشاركة الأصلية كتبت بواسطة موظف برقم عاطل
يعطيك العافية يامستر تركي بعد اذنك اوضحلك شغلة
صحيح البعض معاه ثانوية ويبي راتب عالي وهو بدون خبرة ما نختلف..
اما بخصوص الوظايف الحكومية اللي يجلس عشرين سنة لين يوصل راتبه 7 الاف(وهذا من باب المبالغة) الموظف يكون مرتاح نفسيا ومافي (مصري) فوق راسه يهدده بالفصل كأنها شركة ابوه 
اما الوظايف في الشركات براتب 6 الاف فما فوق ف انت عارف وانا عارف انها ما تعرض سوا ك عرض فقط.. انا التوظيف الفعلي لها يكون واسطات (اقارب الموظفين)
او يكون مسؤول التوظيف ياكل حرام ويعرضها في النت بعنوان (وظيفة براتب مغري مقابل مبلغ وقدره) يعني مسؤول التوظيف صار ياخذ فلوس من المواطن عشان يوظفه بوظيفة راتبها معقول وهذا الشي منتشر في الفترة الاخيرة بشكل ملفت ..
دايما الفساد يكون في اخر حلقة (مسؤول التوظيف) وليس كما كنا نظن انها من وزارة العمل والبطانة كما خدعونا!!
استاذ تركي مجتمعنا فيه الكثير من الشباب العاطل بمؤهلات تفوق مؤهلات مديرك بالعمل ولكن مثلك ينظر لهم نظرة دونية بسبب العطالة والحاجة وعدم وجود الخبرة ..
وبالنسبة للاجانب انت عارف كـ اداري ان الاجنبي يجيك اخر السنة يرفع صوته عليك لو علاوته السنوية ما ناسبته (قليلة) وممكن يشتكي ويوصل شكواه للمالك.. والاجنبي يعطى دورات على حساب العمل ويعطى سكن عكس السعودي اللي يتوظف اداري براتب 4500 وبعلاوة سنوية 75 ريال ويبلط مكانه
كلامك كان شي والواقع شي آخر  |
كلامك على عيني وراسي بس انا ما بالغة في كلامي الحكومي علشان تتوظف اول شي لازم تنتظر اقل شي 3 سنوات هذا شي معروف ولا واسطه وتمشي بسرعه وانت تقولي مصري يجلس يرفع صوته عليك بينك وبينه مكتب العمل انت تنجز عملك على اكمل وجه خلاص انت في السليم اذا قام ينافخ عليك خليه على راحته واحقره وخليك في شغلك اذا شفته قام يزيد تقدر تروح لمدير العام حق الشركه ما فاد اتجه لمكتب العمل وهم بياخذون حقك وانت تضحك بس مشكلتنا ان نخاف وما نبي نسوي مشاكل ونبي كل شي بطيب اذا الرجال عاملك بطيب عامله بطيب بس اذا عاملك بشي ثاني عاد بطريقتك تتفاهم معاه
اما بخصوص الفصل ما يقدر يفصلك لان بينك وبينه عقد وظيفي والعقد ذا جاي من مكتب العمل ان بعد فترت التجربه ال 3 اشهر خلاص لازم يمضي على عقدك سنه ووما يقدر يطلعك من وظيفتك الى ب 3 انذارات ولازم تكون ثابته عليك واذا جاء فصلك كذا من الطاقه للباب وهذا يسمي فصل تعسفي والفصل التعسفي يا انك تاخذ غرامه ماليه ولا تقل عن 50 الف او يعطيك راتب لمدة سنه كامله بس مشكلتنا ما نقراء البنود خلاص طردني الله فوق واروح اشوف لي شغل ثاني
وارجع اقول الي يبي يتوظف ويثبت نفسه بيقدر يطلع بسرعه بس انت قلتها تبي الراحه
الشركات مافيها راحه تقولك تعطيني اعطيك وفيه ناس اول ما بدو براتب 3500 والحين يستلمون فوق ال 10 الاف وهذا بمجهودهم جابوه
المهم اخوي الواحد يرزق على قد نيته والله يرزقك ويوفقك
على قد نيته