اقتباس:
المشاركة الأصلية كتبت بواسطة برودكت سعودي
الف شكر شيبه عرعر على الرد واللنك،الطباعه اللي على التيشرتات في اللنك مو سلك سكرين الظاهر.لانه بارز شوي ومو احترافي مره،كأنه من اللي ينباع في المكتبات.
بس السلك سكرين مرغوب وهو اللي كنت ابيه،اذا تقدر تعطيني رقم اي محل من المحلات اللي ذكرتها بكون شاكره لك.
وهل هي تقدم خدمات طباعه او بس يبيعون؟ |
لاشكر على واجب اختي الفاضلة .
شوفي اختي اذا جيتي من الدايري ودخلتي مخرج 16 ووجهك غرب كنك رايحة للملز . بعد اول اشارة حتلاقين محلات الطباعة ومطابع على اليمين واليسار لان الشارع تقريبا متخصص في هالنشاط وتراة قريب من محطة القطار ومن محلات الفلافل المشهورة في الملز وتحديدا فلافل عرفة اللي لة فرع على نفس الشارع مقابل الوزارة . ومن المحلات اللي تبيع لوازم السلك سكرين :
شركة العون التجارية وتلفونها 4776644
وعندك المؤسسة الحريرية وتلفونها 4774167
وعندك الغنيم للتجهيزات الطباعية 4764849
والمحلات هاذي تبيع مواد ولوازم الطباعة الحرارية اما خدمات الطباعة فهذي عند المطابع فقط وليس كل المطابع تسويها .
لو ضيعتي اسالي عن وزارة الصناعة والكهرباء سابقا واللي اسمها الان وزارة التجارة والصناعة لانها تقع على نفس الشارع .
وبالتوفيق ان شاء الله ....