انا رحت لهم يوم الاربعاء الساعه 12 ونص على اساس اتصالهم علي قبل اسبوع وتنسيق موعد مسبق معي /
لكن للاسف قالو لي ان حنا قايلين لك تعال الثلاثاء ماقلنا تعال الاربعاء !!!!!!
ودخلت على احد المسؤولين وللاسف ماتجاوب معي
وقال ان موعدك الثلاثاء ولاجيت ! قال احنا عطيناك فرصه ولاجيت !
حاولت ابرر موقفي وان الموظف قايل لي الموعد يوم الاربعاء لكن من غير جدوى
يوم شفت ان الامور وصلت الى طريق مسدود
قلت له ان وزارتكم للاسف تعاملها في المقابلات غير عن الوزارات الثانيه !
الوزارات الثانيه تطبع استماره فيها موعد المقابله والتاريخ ! والساعه !
وجاء الموظف الي اتصل علي وقال انا قايل لك الموعد الثلاثاء !
استمر النقاش بدون جدوى !
قلت خير ان شاء الله لعله التبس الامر اما علي واما عليك
وانا صراحه ماحط في ذمتي لكن متأكد من الموعد الي نسقوه معي على اساس انه الاربعاء !
ولا كان ماسافرت وتعبت وتكلفت !
وجيت بالموعد لكن للاسف قالو المدير طالع جده وخلاص موعدك راح !
حاولت بقدر المستطاع اني اطلع بنتيجة لكن مافيه فايده
اخر شي اعطاني رقم وقال اتصل الاحد واذكر لهم اسمك ومشكلتك ان وافقو يقابلون معك حياك
قلت لعله خير ان شاء الله ورجعت لديرتي والله يكتب الي فيه الخير لي ولكم
رغم المشوار والتعب لكن الانسان مايدري وين الخيرة فيه 
ختاما اتمنى الكل يستفيد من تجربتي مستقبلا خصوصا مع هذى الوزارة حتا مايروح مشواره على الفاضي
اذا اتصل عليك الموظف خذ الموعد والتاريخ والوقت وسجلهم بورقه حتا مايصير لكم الي صار لي !
وتأكد من الموعد !!!
بالتوفيق للجميع