اقتباس:
المشاركة الأصلية كتبت بواسطة برستيييج
الله يوفقك ويسر امرك اخوي سلطان
هو الاشكال انهم قبل ارسلوا لي رسالة مفادها تم استلام الطلب وللنظر فيه نأمل التسجيل في اختبار قياس وارفاق الدرجه وفي حال الاجتياز سيتم ترشيحك للاختبار التحريري
طبعاً ولا اختبرت قياس
وامس ارسلوا تم ترشيحك لدخول الاختبار التحريري ,,,!!
المسالة مسالة المشوار البعيد من المدينة الى عرعر .. والغريب الوظيفة اللي مقدم عليها في تبوك ..!!
عشان كذا ابغى تاكيد وتفاعل منكم
___________________
واللي اختبروا التحريري تخصص ادارة الاعمال يفيدنا
الله يوفق الجميع يارب
|
والله ياخوي برستيج مقدر موقفك وان مكان الاختبار بعيد
انت هل سبق لك انك اختبرت قياس !
انا سبق اني اختبرت قياس لكن الكلام هذا قديم !
من سنه ونص على ماعتقد
ولا اعرف هل هم ماخاطبوني بخصوص اختبار قياس على اساس اختباري القديم او لا !
حتا يوم اقدم عليهم ارفقت الشهادات بس !
ماعرف هل يطلع عندهم تلقائي اني سبق واختبرت قياس ولا لا ! 
فعشان كذا صعب اني افيدك بالموضوع هذا بالذات ! وخصوصا انه يحتاج منك سفر ومشوار طويل !
لكن بالنسبه للتقديم انت قدمت على تبوك صح
اتوقع والعلم عند الله انهم على حسب المنطقه الي انت مقدم عليها !
مجرد توقع والعلم عند الله
مثلا الي مقدم على المنطقه الوسطى حطو لهم الاختبارات بالرياض والقصيم
وان الي قدمو على المنطقه الشمالية حطو لهم الاختبار بعرعر على كلامك !
ولا اعرف بالظبط ايش اليتهم بموقع الاختبار لكن مثل ماقلت لك اتوقع على حسب المنطقه
الي انت مقدم عليها
انا مقدم على فرع المجمعه وحطو اختباري بالقصيم
ختاما انت استخر وانا اخوك والله يكتب الي فيه الخير للجميع
ولاتتظايق ووكل امرك لله
انا اليوم رحت للرياض على اساس مقابله وظيفيه بصندوق التنمية الزراعيه
وللاسف قالو لي ان موعدك كان يوم الثلاثاء رغم اني متاكد انهم قايلين لي الاربعاء
وللاسف حاولت ابرر لهم موقفي وانهم قايلين لي تعال الاربعاء
لكن دون جدوى !
قلت لعله خيرة والانسان مايدري وين الخيرة فيه !
ختاما اتمنى من جميع المتقدمين على بنك التسليف افاده اخونا بخصوص اختبار قياس
هل كلكم مختبرين قياس ولا لا !