سلام عليكم، صباح الخير

رحت للمقابله الاربعاء اللي راح، 25/2/1436 كان موعد المقابله الساعه 9 وكان كل المقدمين تخصص شبكات حاسب، كان عدد المقدمين تقريبا 20 مب اكيد العدد، دخلت المقابله الساعه 11 الا ثلث تقريبا وكانت مدة المقابله 15-20 دقيقه تقريبا،
يوم دخلت للمقابله كان فيه اربع اشخاص 2 بس اللي كانوا يسألون، واحد كان يسأل وين ساكن وليش تارك وظيفتك الحالية ومتى متخرج ومن الاسئله العادية هذي، الثاني بدا يسألني عن نفس مجال الوظيفه، سألني اذا قريت مهام الوظيفه يوم يعلنون عنه قلت ايه وقال لي طيب وشي المهام، وبدا يسألني عن البروتوكولات وانواعهن ومتى تستخدم وسألن عن انواع الشبكات وسأل اذا اتصل عليك موظف وقال لك النت مو شغال عنده وش تسوي، بس الرجال متساعد اذا بلشت بالاجابه يعطيك تلميحات ويساعدك بالاجابه،
وبالنهاية قال الوظيفه شفتات هل عندك استعداد لانه راح تداوم بأيام الويكند ودوام غير الناس ومافيه نقل، قلت ماعندي مشكله،،،، وبس كانت هذي المقابله
لاحظت انه ما اهتم للشهادات والدورات غير الدبلوم، انا عندي دورة الانقلش 6 شهور من التقنية وﻻ حتى ناظره وعندي كم دوره انقلش وماعطاهم وجه،
اخر شي طلب صورة من شهادتي الدبلوم.

وسلامتكم.