صار حتى فروع الرياض كذا هههههههه

انا فرحت انهم بيفتحون فرع في القصيم بعنيزة

لكن اقولكم من الان يا التميمي


شغلكم هذا مع الموظفين و خاصة ادارة الفروع ما راح تضرون الا انفسكم ,, الحمد لله ديرتنا قارة و الشركات كثر التراب ,, اذا حس الموظف بمضايقة او نقص حقوق او اي شيء سلبي .. ما راح يرده الا قلم وورقة خطاب الاستقالة و جري من عندكم ,, عاد جب لك فلبيني الماشنديزر ولا حق المخبز يجي يحاسب العملاء هههههه


بما انه الفروع اغلبها عهدها قديم وصعب التخلص من بعض الاجانب لان فيها حقوق نهاية خدمة ووو ..
ياخي شوفو لهم صرفه بأي قسم غير فروع الاسواق O_o


صدقوني اذا ما صار الفرع كله شباب سعوديين من الباب للباب خاصة المنطقة الامامية و مختارين بعناية ,, ما راح تمشي الامور بالسوق , عندك شيبان القصيم اعوذ بالله يحتريك عند الباب من صباح الله خير و النفسية زق وانتم بكرامة هههههه


يعني همكم كله بفلوس التوريد و عجز الكاشير المسكين , اكثر من الموظف نفسه !!