الفكـر شـارد وانـا ودي ولا ودي
والعمر محدود والانفـاس محسوبـه
وأنا من العقـل متعشـي ومتغـدي
والحمدلله أعـرف الدهـر ودروبـه
والله فلا أطمع بثوب مايجـي قـدي
يوم أكثر الناس دايم مسبل ن ثوبـه
وشلي على اللقمه اللي في طرف يدي
ما أقدر عليها وهي ما هيب مكتوبـه
كم واحد يحسب إن اللـوم متعـدي
واللوم غآشيه من راسـه لعرقوبـه
نتبع ظروف الزمن ونجيب ونـودي
ونقوم ونطيـح كـل دون ماجوبـه
ما بين موج البحر والجزر والمـدي
تبقى الثقة حاجة في النفس مطلوبـه
حتى لو إن الظروف تسير ضدي
لابد ترجع ظروف الوقـت مغلوبـه
ورث ورثته ورثه أبوي عـن جـدي
ماهين نفسي ورى اللي ينفخ أجنوبه
أعز نفسـي وأنـا مانيـب منحـدي
الأمر لله وباب الرزق مـن صوبـه
إخوان يوسف من أصل الأب والجدي
خذوه مره وراحـو بـه ولا جوبـه
يبقى الردى في عيون الناس متردي
متوقي في لحاف ن يستـر عيوبـه
هذا وانا طول عمري مانكشف سـدي
عالي النظر والقلوب السود مقلوبـه
أساير الوقت واثر الوقـت متحـدي
يطرح ويجرح ونار الموت مشبوبـه
لا..واعساها سحابة صيـف وتعـدي
الهاجس اللي يلوف القلـب ويلوبـه
أموت وارحل ودمعي ماوطى خـدي
حتى لو الروح مسلوبـه ومنهوبـه
منقول