عــطش هذا الشـعور اللي على غـيـابك تغنى ونـاح
عــطش بلل مـزون الشـوق في الولهـان بأمطــاره*


ذبـــل غصن الهـنا وأهـدى ثـمـاره للهـلاك وطـاح
ذبـــل صوت الدعــا حتـى نسـى تسبيحـه أطـياره


نـبـت جـمر الشقـا (ورقـا) حزيـنة كـل ابـوهـا جـراح
نـبـت طلـح الهـوى بـعـدك شعـور وهـذي أخبـاره


يـبـس صـوت الحكـي بـعدك / يبس كل الهـنا وانـزاح
يـبـس أحـلـى الكـلام وطـاح شـموخ بـآخـر أشـعاره


بـكـى بـاقـي الولـه وقتٍ قـضى فـينا فـرح ومـزاح
بـكـى لـيـل الـهـوى دلالٍ شـذاهـا أنـفـاس سـمّـاره


تـعب ذاك الـطـريـق اللـي خـذا روحك مـعـاه وراح
تـعب يتـحـمـل جروح غـزيـره تشـقـى أسـفـاره


غـيابـك يـابـعد مـن لي أخـذ حـنّا الـكفوف وشـاح
غـيابـك خضّـب عـيـوني دمـوعٍ تـفضـح أسـراره


حـزيـنه شـوف كفـيني كيـئبة يـابـعد مـن راح
حـزيـنه وكـيف مـاتـجزع وهـي بـالحيل مـنهاره


غـيابـك عـلـم الخافـق يشب الـنـار لـلـمـرواح
غـيابـك جــدد الـشكـوى في هـمس الـريـح وغـبـاره


وإذا بـتـغيب عـن عيـني تـرى مـالي صـحيب وصاح
وإذا يـرضـيك تـنـفـيـنـي أنـا كـلـي فــدا ديـــاره


صـرخ كـل الشـعور الـلي ورا غـيابـك سكني وصـاح
صـرخ آخـر نـفس فيـنـي إلين انـهـدّت أوتـاره


وكثر مـانـامت الـقـمـرا عـلى صـدر الفضـا وارتـاح
كثر مـاأشـتـاق وأرضـى بـه وأمـوت بـطـلّـة أنـواره*


-----

جوريه لارواحكم النقيه