المشاركة الأصلية كتبت بواسطة أم عالي

حبر الليزر المستخدم مع طابعة الليزر ، حبرها الخاص ، اذا اشتريتي الطابعه راح يكون فيها حبرها الخاص ويكون test فقط يعني امكن يطبع 100 ورقه فقط ، وإذا انتهى تاخذي الرقم الموجود على الاحبار وتجيبي نفس الاحبار ، ويكفي الحبر حوالي 500 ورقه اذا كان جديد . الورق اذا كان للتيشرتات فاستخدمت ورق كثير بس افضل شيء ورق cl135 وورق trimfree ، وهو للتيشرتات البيضاء . اما الملونه فلها ورق خاص لليزر كلها من شركة joto paper
ورق الثيمات تختلف احيانا استخدم ورق ستيكر لامع واحيانا مطفي موجود بالمكاتب ، والبعض يستخدم ورق اسمه كوشيه .
بالنسبه لتنظيف رأس طابعة الأبسون ، فادخلي على طابعات واختاري الابسون ثم كليك يمين واختاري تفضيلات الطابعة او عن طريق الطباعة ولما تختاري الابسون ادخلي خصائص الطابعة ومن ثم الصيانه ، تلاقي خيارات فحص الطابعه وتنظيف راس الطابعة ، اضغطي تنظيف وانتظري لما تنتهي ، والافضل تنظفيه مرتين ، وبعدين اطبعي صفحة اختبار وشوفي الخطوط اللي راح تطلعك ( ستة الوان ) المتقطع هو اللي يحتاج صيانة ، اعملي تنظيف مرة ثانية او يمكن فيه هواء ، اسحبيه من العلب الداخليه . ثم تنظيف والافضل ان تجربي على صورة صغيرة ، تطبعيها وتشوفي ألوانها تمام أو تحتاج سحب هواء او تنظيف . والافضل ان تطبعي يومياً صورة صغيرة. حتى لا ينشف الحبر .
هذي مشاركة سابقة لي في سحب الهواء من الطابعة http://btalah.com/showthread.php?p=8180130#post8180130