السلام عليكم ورحمة الله وبركاته

بالنسبه للبنات اللي قدمو أو حابين يقدمون

بنصحكم نصيحه سواء لهالوظيفه أو غيرها

مثل ما أنتو شايفين الوظايف الحين ماعادت بسهولة أيام زمان ، لأن ماشاء الله تبارك الله زادت أعداد المتعلمات بشكل كبير عن زمان

عشان كذا صارت شروط الوظايف أكثر دقه عشان يختارون الأجدر لذي الوظيفه

عشان كذا أنا من اليوم بديت أثقف نفسي سياسيا ( لأن هذي وظيفه سياسيه) وأنصحكم تحاربون توتر الإنتظار بالتثقف

بحكم إني للأسف ما أحب أقرأ كتب وثقافتي تعتمد عالبحث في الأنترنت ، بديت أقرأ عن السياسه في موقع وزارة الخارجيه نفسه ، وبعدين ببحث في النت عن مواضيع ومعلومات أكثر

شوفو ذا الرابط من موقع وزارة الخارجيه طبعا معلومات بسيطه بس أعتبروها إفتتاحيه

http://www.mofa.gov.sa/KingdomForeig...licy24605.aspx

نصيحه التواريخ المهمه مثلا " تأسيس مجلس التعاون لدول الخليج" حاولو تحفظوها

بإذن الله أي رابط ثاني أستفيد منه بحطه لكم هنا

ملاحظة مهمه : للأسف الأنترنت سلاح ذو حدين من ناحية الثقافه ، ممكن اي شخص يألف "خربوطه" ويكتبها على أساس أنها تاريخ لذلك أنتبهو وتأكدو من مصدر المعلومات اللي تقرونها
أي كلام تحسون فيه إنحياز لأي طرف أو طائفه أو شخص أو دوله أتركوه


أسئل الله التوفيق للجميع

ربنا أتنا في الدنيا حسنه وفي الأخرة حسنه وقنا عذاب النار
اللهم صلِّ وسلم على نبينا محمد وعلى أله وصحبه أجمعين
أستغفر الله ولا حول ولا قوة إلا بالله
سبحان الله وبحمده سبحان الله العظيم

اللهم أرحم موتى المسلمين وأغفر لهم