ي مرحبا واللخ بمهندسنا
اولا / لما ندخل اي تخصص ، وندرسه ونعطيه من عمرنا ووقتنا الكثير
وبالنهايه نتخرج بأعلى معدل وللاسف مصيرنا العطاله
ثانيا / الغلطه ماهيب غلطتنا
الغلطه غلطةة المسؤلين لما يفتحون اقسام في الجامعات
والطلاب والطالبات يقبلون عليها وبكثره
ويتخرجون ويلقون انفسهم في دوامه بي الحلم والعطاله وبين الوظايف اللي تنطرح ولاتشملهم
او بالاحرى محد يجيب خبرها
وان صار تقديم فيها ، صار للشهادات الثانويه وبخبره
ثالثا / اذا الاقسام والتخصصات اللي يفتحونها غير مطلوبه في سوق العمل
من الاساس ليه تم فتحها ، والا الدعوه مع الخيل ي شقرا
والمشكله يقولون نبي نطور البلد بالتخصصات هذي
علشان طلابنا وطالباتنا هم اللي راح يطورون البلد
وشلون نطور البلد وانتم ماتوظفون ولاتتركون لنا مجال علشان نطور !!
رابعا / انا خريجة علم اجتماع وخدمه اجتماعيه من جامعة الملك فيصل الموقرره
لي سنه من تخرجت ، وانا ادرس ، كانوا يقولون القسم هذا مطلوب
ولما تخرجت ماشفت سوق العمل يطلبها
وان طلبها لازم الشهاده تربويه وانا غير تربويه
خامسا والاهم / لما يكون فيه توظيف
يطلبون عدد وياخذون من العدد هذا شي بسيط والباقي
تدوير بين الموظفين بنقل هذا الشخص للمكان الفلاني علشان يسد العجز
وناخذ هذ الشخص من القسم الفلاني علشان يسد
بالضبط نفس حركة المدارس
في عجز في كل المدارس
ويلخذون المعلمين والمعلمات انتداب لسد المدرسه الفلانيه
طيب المعلمه اللي بدرستها فيها عجز من بيسد مكانها
يعني وظفووا ولا يصير عجز وانتداب وحاله
وهم قادرين ع التوظيف لكن ، البطانه السيئه
اللي محد يدري احد عنها وغافلين عنها
مهندسنا
لاتقطع الامل ، والحمدلله ان ارزاقنا بيد الله سبحانه
ماهوب بيد خلقه والا كان علوم صارت
الحمدلله انهم فقط سبب في هذا الرزق
والله يكتب لك ولنا الرزق من اوسع ابوابه ي رب
مهنسنا لاتفقد الامل
دام ربنا موجود .. وقادر ع كل شي سبحانه
مهندسنا القدير
احترامي لشخصك ..