السلام عليكم ورحمة الله وبركاته

الإختبار حسب التاريخ اللي في الإعلان بيكون إن شاء الله تقريبا بعد أسبوعين

وطبعا أكيد عرفتو أنه مكون من أربع أجزاء واحد منها مقال عن قضايا الشأن العام

وقرأت أن جزء المقال من أهم أجزاء الإختبار

و بديت "أحزر" وش ممكن يكون موضوع المقال >> للهروب من التوتر المصاحب للإنتظار :'(

أول موضوع ممكن إنجازات الملك عبدالله رحمه الله وأسكنه فسيح جناته ( لاتنسون أنه كان مهتم بالمرأه وقضاياها وهو من أدخلها لمجلس الشورى)

ثاني موضوع قريت بصحف أجنبيه إن ميشيل أوباما زوجة الرئيس الأمريكي كانت منزعجه في القمه السعوديه الأمريكيه لعدة أسباب ، أول سبب بعض المتواجدين بالقمه من الرجال السعوديين رفضو يصافحوها
ثاني سبب القناه السعوديه الأولى في الأخبار غبشت على صورتها
وطبعا الصحافه الأجنبيه ماقصرت كالعاده شوهت صورتنا و طلعتنا محكورين و مسلوبه حقوقنا ومانسوق إلخ

ثالث موضوع ممكن عن الملك سلمان ، عشان كذا ببحث عن سيرته الذاتيه


و ببدأ أبحث عن كتابة المقالات

وبأذن الله أي رابط مفيد بلقاه بحطه لكم هنا

ياليت تشاركونا بتوقعاتكم بخصوص المقال



،،،،،


بنات بسئلكم عن مقر الإختبار ، مايختبرون في مدن ثانيه غير الرياض؟؟
يعني اللي من خارج الرياض مالهم مقر إختبار في مدينتهم ؟؟
ياليت اللي عندها علم أكيد تعلمني

الله يوفق الجميع ويرزقنا الرزق الحلال من حيث لانحتسب